ଅଜ୍ଞାନ ଘାଣ୍ଟ

ଘରେ ଘରେ ପଡ଼ିଛି ଚହଳ

ତିଆରି ହେବ ଆଜି ଘାଣ୍ଟ ତିଅଣ

କଦଳୀ ସାରୁ ସହ ମିଶିଛି ବିନ୍ସ ଗାଜର

ରାଜନୀତି ଘାଣ୍ଟ ଠାରୁ ଆହୁରି ଆଶ୍ଚର୍ଯ୍ୟକର ।

ମହ ମହ ବାସ ଛୁଟେ ଘରକୁ ଘର

ନକଲି ଗୁଆ ଘିଅ ସହ ଜିରା ଲଙ୍କା ଗୁଣ୍ଡର

ତା ଉପରେ ପଡିଛି କରୀ ପାଉଡର

ଏ ଅଟେ ପାରମ୍ପରିକ ଉପରେ ଛାପ ଆଧୁନିକତାର ।

ହଜି ହଜି ଯାଉଛି ଆମ ପ୍ରାଚୀନ ପରମ୍ପରା

ହେଲେ ମଝିଆ ପିଢ଼ି ବାନ୍ଧି ରଖିବାର କରେ ଅପଚେଷ୍ଟା

ଆଧୁନିକତାର ଛୁଙ୍କ ଦେଇ ଚାହେଁ କରିବାକୁ ମନଲୋଭା

ଯେତେ ମଠା ମଠି କଲେ ତା'ର ବିକୃତ ରୂପ ହୁଏ ଉଭା

ସମୟ ନଈରେ ଜେଜେମା ଆଈ କେବେଠୁ ଗଲେଣି ଲୁଚି

ଆଉ କି ମିଳିବ ଘର ଗୁଆଘିଅ ଚୂଲି ଆଉ ମାଟିହାଣ୍ଡି 

ଦିନ ଥିଲା ଦେଶି ପରିବାରେ ବନୁଥିଲା ଦ୍ଵିତୀୟା ଘାଣ୍ଟ

ଏବେ ବିଦେଶୀ ପରିବା ମିଶି ବନୁଛି ଅଜ୍ଞାନ ଘାଣ୍ଟ ।