ଲାଇବ୍ରେରୀ
ପ୍ରୋଫାଇଲ୍
ଅନାଲୋଚିତ ପୃଷ୍ଠା
ଅନାଲୋଚିତ ପୃଷ୍ଠା
1 min
20
ଗଭୀର ବର୍ଷାରାତିରେ
ମୋ ଝର୍କା ସେପାଖେ
ଟୁପୁର ଟାପର ସାରା ରାତି ଚାଲେ
ଆକାଶ ସହ ପୃଥିବୀର ପ୍ରେମାଳପ
କାନ ଡେରି ଝର୍କା କାଚରେ
ଶୁଣିବାର ଅପଚେଷ୍ଟା କରେ
କିଛି ସ୍ପଷ୍ଟ କିଛି ଅସ୍ପଷ୍ଟ
ଚପା ଗୁଞ୍ଜରଣ ଖେଳିଯାଏ କୋହୋଲା ପବନରେ
ଆପେ ଆପେ ଶିତେଇ ଉଠେ ଦେହ ମନ
ଏକ ବୈଦ୍ୟୁତିକରେଖା ଟାଣି ହେଇଯାଏ
ଆକାଶ ରୁ ପୃଥିବୀ ଯାଏଁ
ତା' ପରେ ସାରାଟା ଆକାଶ ଝରି ପଡେ ପୃଥିବୀ ବକ୍ଷରେ ।
ଅନ୍ଧାକାର ଭିତରେ ଏକାକାର ହେଇଯାଏ
ସମସ୍ତ ତୃଷିତ ବିକାରତା ଆଉ ଅବଶାଦ
ସକାଳ ଆଲୋକରେ ଝଲସି ଉଠେ
ସଂପୂର୍ଣ୍ଣ ସମର୍ପିତ ଟୋପାଟୋପା ବର୍ଷାବିନ୍ଦୁ
ସନ୍ନ୍ୟାସୀ ପାଲଟି ଯାଆନ୍ତି ପ୍ରତିଟି ବୃକ୍ଷ
ସମ୍ଭୋଗର ସ୍ବେଦରେ ଅବଗାହନ ପରେ
ନିରାସକ୍ତ ସବୁଜିମା ଭିତରେ
ଫୁଟି ଉଠେ ରଙ୍ଗବେରଙ୍ଗର ନୂତନ ସମ୍ଭାବନା
କ୍ଲାନ୍ତ ଆଖିପତେ ନଇଁ ଆସେ
ଆଉ ଏକ ବିନିଦ୍ର ରଜନୀ ପରେ
ଲୋଚାକୋଚା ଚଦର ଉପରେ
ପେଟେଇ ପଡନ୍ତି ଅନେକ ଅନଆଲୋଚିତ ପୃଷ୍ଠା ।
