ଘର ମୋର ନର୍କ

ସ୍ୱର୍ଗ ସମ ଘର ହେଲାଣି ନର୍କ

ପରିବାର ମଧ୍ୟେ ହେଉଛି ତର୍କ

ବୁଢା ବାପା ମାଆ ସାଜନ୍ତି ବୋଝ

ଦେଉ ନାହିଁ ଢୋକେ ତୋରାଣି ପେଜ 

ଜମି ଭାଗ ପାଇଁ ହେଉଛି କଳି

ଭାଇକୁ ଦେଖିଲେ କରୁଛି ଗାଳି 

ଘରଣୀ ମୋହର ଦେଉଛି ଖୁଣ୍ଟା

କହୁଛି ମୁଁ ଗୋଟେ ନିହାତି ଶୁଣ୍ଠା ।।

ସ୍ନେହର ସମ୍ବନ୍ଧ ହୁଏନି ଲୋଡା

କାମର ଚାପରେ ସାଜିଛି ଘୋଡା

ସନ୍ତାନଙ୍କ ଲାଗି ସମୟ ନାହିଁ 

ମୋବାଇଲ ଧରି ରହୁଛି ଚାହିଁ ।।

ଯୌଥ ପରିବାର ଗଲାଣି ଭାଙ୍ଗି

ମଦର ନିଶାରେ ଉଡୁଛି ଲୁଙ୍ଗି 

କୁକୁଡା ଗୋଡକୁ ଖାଉଛି ପୋଡି

କଅଁଳ ବେକକୁ ଦେଉଛି ମୋଡି ।।

ବଡଲୋକି ନିଶା ଛାଡୁନି ମୋର 

ସମୟ ସୁଅରେ ହେଲିଣି ଚୋର

ଟଙ୍କା ଟଙ୍କା ହୋଇ ନିଇତି ମରେ 

ରୋଗ ବେମାରୀରେ ପଇସା ସରେ ।।

ଝିଅକୁ କହିଛି ନପଢ ପାଠ

ଟେକିଦେବି ତୋତେ ଦେଖିକି ଶଠ

ତୁଣ୍ଡରେ ନିଜର ଦେବାକୁ ଜଳ

ପାଇବନି ଦିନେ ହାତରେ ବଳ ।।