ନହେଲା କଥାତ ହୋଇଲା

ନ ହେଲା କଥା ତ ହୋଇଲା

 ଫସଲ କରି ମୁଁ ଘେରାଇଲି ବାଡ

ବାଡ ତ ଫସଲ ଖାଇଲା।।  

 ନ ହେଲା କଥା ତ ହୋଇଲା ।।

ଗୀତା ଦାନ କଲି ବ୍ରାହ୍ମଣ ଦେଖି ମୁଁ 

  ବ୍ରାହ୍ମଣ ତାହାକୁ ନିଆଁ ପୁଇଁଲା, 

ନ ହେଲା କଥା ତ ହୋଇଲା ।।

କାକୁଡି ଲତାକୁ ଦେଲି ମୁଁ ମଞ୍ଚାକୁ 

  ମଞ୍ଚା ତ କାକୁଡି ଖାଇଲା 

ନହେଲା କଥା ତ ହୋଇଲା ।।

ଝିଅ ବିଭା ଦେଲି ଭଲ ବର ଦେଖି

  ଜମିବାଡି ସବୁ ସଇଲା,

ନହେଲା କଥା ତ ହୋଇଲା ।।

ସୁରକ୍ଷା ଦବ ମୋ ଝିଅକୁ ଭାବିଲି

  ଝିଅ ନିର୍ଯ୍ୟାତନା ପାଇଲା, 

ନହେଲା କଥା ତ ହୋଇଲା ।।

କାହାକୁ ଵିଶ୍ଵାସ କରିବ ଭଲା ?

  କାନ୍ଦୁ କାନ୍ଦୁ ଦିନ ସଇଲା,

ନହେଲା କଥା ତ ହୋଇଲା ।।

ଶ୍ରୀମନ୍ଦିରରେ ରହି ହେ କଳା ସାଆନ୍ତ

 କାହିଁକି କରୁଛ ଏମିତି ପାଲା ?

କାହିଁକି କରୁଛ ଏମିତି ପାଲ।  ?