ଚଳଚ୍ଚିତ୍ର

ସବୁ ମଣିଷ ଦେଖେ ଚଳଚ୍ଚିତ୍ର

କେବେ ପ୍ରେକ୍ଷାଳୟରେ

ଧାବମାନ ଚିତ୍ର ସବୁ

ଧଳା କାନଭାସ ଉପରେ,

ଯାହା ମନୋରଞ୍ଜନ

ପାଇଁ ମଣିଷ ଜୀବନରେ

ଅନିର୍ଵାଯ୍ୟ କାର୍ଯ୍ୟଟିଏ |

ଏବେ ଆଉ

ଦେଖୁ ନାହିଁ କେହି 

ଚଳଚ୍ଚିତ୍ର ପ୍ରେକ୍ଷାଳୟରେ,

ଆସୁଛି ଅନେକ ଚଳଚ୍ଚିତ୍ର 

ଆଙ୍ଗୁଠି ଅଗରେ,

ହାତ ମୁଠାରେ ଥିବା

ମୋବାଇଲରେ |

ଏବେ ଚଳଚିତ୍ର

ଗଢିବା ହେଲାଣି ସହଜ

ନୁଆଁ ମୋବାଇଲରେ,

ଅନେକ ମୋବାଇଲ ଧାରି

ବ୍ୟସ୍ତ ଚଳଚ୍ଚିତ୍ର ତିଆରିରେ,

ଆଉ ଦେଖୁଛି କିଏ

ଅନ୍ୟ ଚଳଚ୍ଚିତ୍ର,

ବ୍ୟସ୍ତତା ଭିତରେ କେବେ 

ନିଜେ ବନିଯାନ୍ତି ଚଳଚ୍ଚିତ୍ର |