ନିଜକୁ ରଖିବା ଘର ଭିତରେ
ନିଜକୁ ରଖିବା ଘର ଭିତରେ
ଆସରେ ଭଉଣୀ ଆସ ମୋର ଭାଇ
ଦେବା କରୋନା କୁ ତଡି ।
ଜାଗିବାକୁ ହେବ ଦୃଢ ମନ ବଳ
ତାହାଲେ ପାରିବା ତଡି ।।୧
ଏବେ ଠାରୁ ନେବା ଆମେ ଯେ ଶପଥ
ଘରୁ ନ କାଢ଼ିବା ପାଦ ।
ସଭିଙ୍କୁ ଆମେରେ ଉପଦେଶ ଦେବା
କାଢି ବେନି ଘରୁ ପାଦ ।।୨
ସାବୁନେ ସର୍ବଦା ଧୋଇବା ହାତକୁ
ମୁହଁରେ ଦେବା ଯେ ପଟି ।
ରହିବା ସର୍ବଦା ହୋଇ ଏକୁଟିଆ
ନକରିବା ଆମେ ଖଟି ।।୩
ଖାଇବା ନିତିଯେ ସବୁଜ ପରିବା
ଖାଦ୍ୟ ଯେତେ ହିତକର ।
ତାହାଲେ ଶରୀରେ ଶକ୍ତି ବୃଦ୍ଧି ହେବ
ପ୍ରତିରୋଧକ ଆମର ।।୪
ସେହି ଶକ୍ତି ବଳେ ଯୁଦ୍ଧ ଯେ କରିବ
କରୋନା ସହ ଶରୀର ।
ତେବେ ସିନା ଭାଇ ଦେଶ ଯେ ହସିବ
ହସିବ ଘର ଆମର ।।୫
ଡାକ୍ତରଙ୍କ କଥା ନୁହଁଇ ଯେ ବୃଥା
ଏହା ଏକ ମହାମାରି ।
ଟିକେ ସଚେତନ ହୋଇଲେ ଯେ ଜନ
ପାରିବା ତାହାକୁ ମାରି ।।୬
ଆମ ହିତ ପାଇଁ ତେଣୁ ମୋର ଭାଇ
ସରକାର କଲେ ନୀତି ।
ଆସରେ ସଭିଏଁ ମାନିବା ତାହାକୁ
ଦେଶବାସୀ ସବୁ ନିତି ।।୭
କିଛି ଦିନ ପାଇଁ ହୋଇଛି ନିୟମ
ଆମରି ଯେ ଭଲ ପାଇଁ ।
ଠକିବାକୁ ଚେଷ୍ଟା କଲେ ଯେ ମାରିବା
ଠକିବା ନିଜେ ମୋ ଭାଇ ।।୮
ଠକିବାକୁ ତେଣୁ ମନେ ନ ଭାବିବା
ମାନିବା ସବୁ ନିୟମ ।
ଦେଖିବ ଜଗତ ନିରୋଗ ଭାରତ
ରହିବ ଭାରତ ନାମ ।।୯
ରଖିବାକୁ ହେବ ମାଆର ମହତ
ଆମକୁ ସାରା ବିଶ୍ୱରେ ।
ତେଣୁ ମୋର ଭାଇ ନିଜକୁ ରଖରେ
ସର୍ବଦା ଘର ଭିତରେ ।।୧୦