ନୀରବରେ ରହିଅଛି

ଜାଣେ ନାହିଁ ମୁହିଁ ଆଜି କାହିଁ ପାଇଁ 

ଲାଗୁନାହିଁ କିଛି ଭଲ,

ହୃଦ୍ ସ୍ପନ୍ଦନର ଗତି ବଢୁଅଛି

ହେଉଅଛି କଲବଲ ।

କେତେ ପ୍ରଶ୍ନ ପୁଣି ଉଙ୍କି ମାରୁଅଛି

ମନ ଗହନରେ ମୋର,

ଉତ୍ତର ପାଉନି ମନ ବି ବୁଝୁନି

ହେଉଛି ଖାଲି ଅସ୍ଥିର ।

ଯାହା ହେଉଅଛି ଭଲ ହେଉଅଛି

ମନକୁ ମୋ ବୁଝାଉଛି,

ସବୁ ତାଙ୍କ ଇଛା ମନକୁ ବୁଝାଇ

ନୀରବରେ ରହିଅଛି ।

ନାହିଁ ମୋ ଆୟତ୍ତ କରିବି କଅଣ

ପଶିଅଛି ଶରଣରେ,

ସିଏ ଅନ୍ତର୍ଯ୍ୟାମୀ ଜଗତର ସ୍ୱାମୀ

ସାହା ହେବେ ଅବେଳରେ ।

ଭରସା ରହିଛି ଆଗରୁ ବି ଥିଲା

ସବୁଦିନେ ରହିଥିବ,

ଏ କଳା ବାଦଲ ଆକାଶୁ ହଟିବ

ପୁଣି ସୂର୍ଯ୍ୟ ଝଲସିବ ।