ନୀରବେ ସହଇ ବ୍ୟଥା

ମୋ ଭାବନାରେ ଆସେ ସଦା 

ତୁମ ରୂପର ଝଲସା

ଥାଉ ଜୀବନରେ ପୂର୍ଣ୍ଣିମା ଅବା

ଘନ ଅମାବାସ୍ୟା ।୧।

କିଏ ଗଢିଥିଲା ଏତେ ସୁନ୍ଦରୀ 

ଜଗତେ ତୋତେ

ଯେତେ ଦେଖିଲେ ଲାଗେ ଆଉ 

ଦେଖିବାକୁ ସତେ ।୨।

ପାଖେ ଥିଲେ ତୁହି ଅନ୍ତରରେ

ମିଳେ ଅତୀବ ସୁଖ 

ପାଖରୁ ଦୂରକୁ ଚାଲି ଗଲେ ତୁମେ,

ହୃଦୟେ ଆସଇ ଦୁଃଖ ।୩।

କିଛି ଅଘଟଣ ଘଟିବା କଥା ମନରେ 

ଆସିଲେ, ଅବାଗିଆ ଲାଗେ ଦୁନିଆଁ 

ମନ ମଧ୍ୟରେ ଅଦେଖା ଅଶୁଣା ଭାବ

ମାଡି ଆସେ, ଲାଗେ ଭାରି ଛାନିଆଁ ।୪।

ଭାବେ ମୁହିଁ ହେଲି କି ଅମଡ଼ା ବାଟୋଇ

ମନକୁ ମନ କୁହେ କଥା

ଯାଏ ମୁହିଁ ଥକି ସେହି ମର୍ମ ବେଦନାରେ

ନୀରବେ ସହଇ ବ୍ୟଥା ।୫।