ନୀଳମାଧବ

ପ୍ରଥମେ ବନ୍ଦିଲି ମାଆ ଶାରଳା ଗୋ 

ଦ୍ୱିତୀୟେ ଜଗତନାଥ

ତୃତୀୟେ ବନ୍ଦିଲି ସର୍ବଦେବାଦେବୀ

ବନ୍ଦିଲି ତ୍ରୈଲୋକ୍ୟନାଥ।

ନୟାଗଡ଼ ଜିଲ୍ଲା ଖଣ୍ଡପଡା ବ୍ଲକ 

ପଞ୍ଚାୟତ ଯେ କଣ୍ଟିଲୋ,

ଜନସଂଖ୍ୟା ଦୃଷ୍ଟିରୁ ବଡ ଜିଲ୍ଲା 

ଯେ ପରିଗଣିତ କଣ୍ଟିଲୋ।

ଓଡିଶା ପ୍ରସିଦ୍ଧ କଂସା ଓ ପିତ୍ତଳ

ବାସନ ପାଇଁ ଏ ସ୍ଥାନ,

ତହିଁରେ ପୂଜିତ ଶ୍ରୀନିଳମଧବ ସିଏ 

ଭକ୍ତ ପ୍ରିୟ ଭଗବାନ।

ସବୁଜ ବନାନୀ ପ୍ରାକୃତିକ ଦୃଶ୍ୟେ 

ପାହାଡେ ନୀଳମାଧବ,

ମହାନଦୀ କୂଳେ ପାହାଡ ଶୀର୍ଷରେ ବିଜେ

ଯେ ଆରାଧ୍ୟ ଦେବ।

କିମ୍ବଦନ୍ତୀ କହେ ଏ ପବିତ୍ର ସ୍ଥାନେ 

ଜଗନ୍ନାଥଙ୍କୁ ପୂଜିତ,

କରୁଥିଲେ ପୂଜା ରାଜାବିଶ୍ୱାବସୁ ପରା

ସେ ପାଇଁ ପ୍ରସିଦ୍ଧ କ୍ଷେତ୍ର ।

ଶ୍ରୀନୀଳମାଧବ ବିଷ୍ଣୁଙ୍କ ସ୍ଵରୁପ

ଆଦିପୀଠ ଯେ ଜଗାର,

ନୀତିକ୍ରାନ୍ତି, ଧର୍ମବିଧି ନାନା କର୍ମ

ଶ୍ରୀମନ୍ଦିର ସମ ଏହାର।

ଶ୍ରୀଜିଉଙ୍କ ଚରଣରୁ ଏକ ସ୍ଥାୟୀ

ଜଳଧାରା ପ୍ରବାହିତ,

ପବିତ୍ର ଯେ ଜଳଧାରା ସର୍ବଦା

ବହୁଅଛି ଦିବା ରାତ୍ରି।

ମାଘ ସପ୍ତମୀ ଓ ଚନ୍ଦନ ଯାତ୍ରା

କଣ୍ଟିଲୋ ର ମହୋତ୍ସବ,

ରଥଯାତ୍ରା ଓ ଦୋଳଯାତ୍ରା

ଆଡମ୍ବରେ ଅନୁଷ୍ଠିତ।

ବାବା ସିଦ୍ଧେଶ୍ୱରଙ୍କ ମନ୍ଦିର ପରା

ମୁଖ୍ୟ ଆକର୍ଷିତ ଏ ସ୍ଥାନର,

ବଣଭୋଜି ପାଇଁ ଆସିଅଛି ଧାଇଁ

ଦର୍ଶନ ମାଧବଙ୍କର।

ଧାଙ୍ଗିଡି ପାହାଡେ ଶ୍ରୀନୀଳମାଧବ

ବ୍ରହ୍ମାଙ୍କ ଦ୍ୱାରା ପୂଜିତ,

ରାସ ନିଥନେ ଭକ୍ତିରେ ଆଶିଷ

ପାଇଥିଲେ ବ୍ରହ୍ମଦେବ।

ନୀଳମାଧବଙ୍କୁ କୋଟି ପ୍ରଣିପାତ

କରୁଅଛି ବାରବାର,

ଦୟା ରଖିଥିବେ ଜଗଜ୍ଜନ ପରେ

ମୀନତି ଯେ ପ୍ରଣତିର।