Library
Profile
ନିଦାଘ
ନିଦାଘ
ମଧୁର ବିନୟ ବଚନ କହି ତୋଷିବ ଜନ ମନ
ହେବ ଉପଶମ ନିଦାଘର ଜାଣିବ ସକଳ ଜନ
ବର୍ଷାର ନିଦାଘ ମଲ୍ହାର ତୋଳେ
ମେଘ ନିଦାଘେ ମୟୂର ନୃତ୍ୟଙ୍ଗନା ବଳେ
ଗ୍ରୀଷ୍ମର ନିଦାଘ ବଢିଲେ ଗମଗମ ଝାଳେ
କୃଷକ ଭାଇଟି ଶାନ୍ତି ଖୋଜେ ଗଛତଳେ
କାଳିଆ ଖୋଜନ୍ତି ମାଣିକପାଟଣା ମାଣିକକୁ
ଘୋଳ ଦହି ସାଥେ ଲେମ୍ବୁ ଲୁଣ ଦେବ ହେଳେ
ଫଗୁଣ ନିଦାଘ ମନେ ଅବୀର ବୋଳେ
ମଳୟ ନିଦାଘ ସନ୍ତୋଷ ଦିଏ ସାଗର କୂଳେ
ଶ୍ରାବଣ ନିଦାଘ ଦୁଇଟୋପା ହୋଇ ବହିଯାଏ ତଳେ
ଇର୍ଷା ପରଶ୍ରୀକାତରତାର ନିଦାଘ ଛାଡିଲେ
କଳେ ବଳେ କଉଶଳେ କୌତୂହଳେ
ଚକ ଚକ ସୁନା ପରି ଚମକିବ ବେଳ ଅବେଳେ
ଯେମିତି ତୃଷାର ନିଦାଘ ବରଷା ମାପିଥାଏ
କାମନା ନିଦାଘ ଜତୃଗୃହ ସାଜିଥାଏ
ନିଦାଘ ବେଳାରେ ମିଠା ବଚନରେ
ଜନ ମନ ଯିଏ ମୋହେ ତା ପରି ମଣିଷ କିଏ?
ଶହନଶୀଳତା ଥିଲେ ନିଦାଘରେ ଶାନ୍ତି ମିଳିଯାଏ
ମୁଁ ନିଦାଘ ବେଳର ଉପଶମ ପାଇଁ
କାଳିଆ ଆଖିକୁ ଚାହେଁ ଓଁ ଶାନ୍ତି ଓଁ କହେ
ହେଲେ ଦୁଇଭାଇ ଜଗା ବଳିଆ
ନିଦାଘ ଉପଶମ ପାଇଁ କେବେ ମାଣିକକୁ
କେବେ ମାଉସୀମାଙ୍କୁ ମନେ ପକାଇ ରହେ
କେବେ ପୁଣି ଅହଲ୍ୟା କେବେ ମୀରା କେବେ ରାଧା
କେବେ ଦେବଦାସୀ କେବେ ସାଗର ଦୁଲଣୀ
ମୁଁ ମହାପ୍ରସାଦକୁ ଚାହିଁଥାଏ ।
