ନିଦାଘ ରାତି

ନିଦାଘ  ରାତିରେ  ଆସୁ  ନାହିଁ  ନିଦ 

ସ୍ମୃତି  ପଟ୍ଟରେ  ତୁମେ   ଚାଲି   ଆସ । 

ବିରହ   ରଜନୀ    ଘାରୁଛି   ସଜନୀ 

ସ୍ମୃତି  ପଟ୍ଟରେ  ତୁମେ   ଚାଲି   ଆସ ।

ନୟନ    ତୁମର    ଗଭୀର    ସାଗର 

ପାଖେ ଛିଡ଼ା ହୋଇ ଖୋଲି ଦିଅ କେଶ 

ଶୀତଳ    ପବନ      ବହିବାକୁ    ଦିଅ 

ସ୍ମୃତି    ପଟ୍ଟରେ    ତୁମେ   ଚାଲି  ଆସ ।

ଗୋଲାପ    କଢ଼କୁ    ଫୁଟିବାକୁ   ଦିଅ 

ମୁକୁତା   ଝରାଇ   ଟିକେ   ହସି    ଦିଅ 

ତାରା  ମଧ୍ୟେ   କାହିଁ   ଦିଶୁ  ନାହିଁ  ଜହ୍ନ 

ସ୍ମୃତି    ପଟ୍ଟରେ     ତୁମେ  ଚାଲି   ଆସ ।

କବିତା  ଏ   ମୋର   ଜୀବନ   ଆଧାର 

ତୁମ   ବିନା   ମୋତେ   ଦିଶୁଛି  ଅନ୍ଧାର 

ଝୁରୁଛି      ତୁମକୁ      ଅକ୍ଷର    ଅକ୍ଷର 

ସ୍ମୃତି    ପଟରେ    ତୁମେ   ଚାଲି  ଆସ।

କବି ଇନାୟତ ଅଲୀ, ବାଲେଶ୍ବର।