ନଦୀଟିଏ ମୁଁ ନଦୀଟିଏ

ଉଚ୍ଚ ପର୍ବତରୁ ଉତ୍ପତ୍ତି ମୋହର 

ଝରଣା ମୋହର ନାମ, 

ଝରି ଝରି ଯାଏ ଅନେକ ଦୁରକୁ  

ସାଗରେ ହୁଏ ସଙ୍ଗମ |

ନଦୀଟିଏ ହୋଇ ଦୂରେ ବହୁ ଦୂରେ 

ବଦଳାଏ ଗତିପଥ, 

ଜଳ ଭରି ଦେହେ ବହି ଯାଉଥାଏ 

ସେବାଦିଏ ଅବିରତ |

ମୁଁ ସିନା ଲାଗେ ଜନ କଲ୍ୟାଣରେ 

ଜଳ ମୋ ଅମୃତଧାରା, 

ମଣିଷ ବୁଝେନା ମୋ ସେବାର ମୂଲ୍ୟ 

ପ୍ରଦୂଷିତ କରେ ପରା |

ମୋ ଜଳ ଧାରାରେ ସୃଷ୍ଟିର ସର୍ଜନା 

ନିୟମିତ ଚାଲୁଥାଏ, 

କିଏ ଦେବ ମୋର ତ୍ୟାଗର ପାଉଣା 

ପାଇବାରେ ସ୍ୱାର୍ଥୀଯିଏ |

ମାଟିଏ ହୋଇ ସେବାରେ ଲାଗଇ 

ସଂସାର ମୋର ସନ୍ତାନ, 

ମୁଁ ସ୍ଥିତ ଯେଉଁଠି ଜୀବନ ସେଇଠି 

ଏଇ ମୋର ସ୍ୱାଭିମାନ |

ଅନୁରୋଧ ମୋର ପ୍ରତି ସନ୍ତାନକୁ 

ସ୍ୱଚ୍ଛରଖ ମୋର ଧାରା, 

ଅସ୍ତିତ୍ୱ ମୋହର ଥିବାଯାଏ ସ୍ଥିତ 

ହେବି ମୁଁ ତୁମ ସାହାରା ।