ନବ ଯୌବନ
ନବ ଯୌବନ
ନବ ଜଉବନ ବେଶଟି ତୁମର
ଦିଶେ କେଡେ ମନୋହର
ଦଶମୂଳ ଆଉ ମୋଦକରେ ତୁମ
ଭଲ ହୋଇଗଲା ଜ୍ୱର।
ଫୁଲୁରି ତେଲଟି ଘସାହେଲା ଦେହେ
ମଜରା ଛାଡିଲା ତୁମ
ମାନବୀୟ ଲୀଳା ଏ ଧରା ଧାମରେ
ସତେ କେଡେ ଅନୁପମ।
ଆଷାଢ଼ ମାସର ଅମାବାସ୍ୟା ଚନ୍ଦ୍ର
ଓଡ଼ିଆ ମଉଡ଼ ମଣି
ଦେଖିବାକୁ ନବ ଯଉବନ ବେଶ
ବିତୁଥିଲା ଦିନ ଗଣି।
ସେ ରୂପ ଦର୍ଶନେ କୋଟି ପାପ ହରେ
ଆହେ ପ୍ରଭୂ ଭାବ ଗ୍ରାହୀ
କରୁଣା ଟିକକ ନ କରିବ ଉଣା
କୃପା ନେତ୍ରେ ଥିବ ଚାହିଁ।
ଶ୍ରୀକ୍ଷେତ୍ରରେ ତୋତେ ଦେଖିନି କାଳିଆ
ହୃଦୟେ ଆଙ୍କିଛି ଛବି
ଜୀଵ ଯିବା ବେଳେ କାଳିଆ ସୁନାରେ
ସାଥେ ନେଇ ବାହୁଡିବି।
ଧନ ମାଗୁନାହିଁ ଜନ ମାଗୁନାହିଁ
ଏତିକି ମାଗୁଛି ତୋତେ
ହୃଦ ସିଂହାସନ କରିବୁନି ଖାଲି
ଦୟା କରିଥିବୁ ମୋତେ।