ଭାବରେ ଭକ୍ତିରେ ଭାଗବତ
ଭାବରେ ଭକ୍ତିରେ ଭାଗବତ
କାଲି ଥିଲା ଭାବ ଆଜିବି ରହିଛି
ରହିଥିବ ଚୀର କାଳ
ପରମ ଶାସ୍ତ୍ରକୁ ବୋଲନ୍ତି ସକଳେ
ବୁଡ଼ିଯାଏ ଯେବେ ବେଳ ।
ନିଶ୍ଵାସରେ ବନ୍ଧା ବିଶ୍ୱାସର ଡୋରି
କୃଷ୍ଣ ପ୍ରେମେ ସର୍ବେ ବାଇ
ଜୀବ ଗଲାବେଳେ ଶୁଣିଦେଲେ ପଦେ
ଆତ୍ମା ଶରୀର ଛାଡଇ ।
ପ୍ରତି ଗ୍ରାମେ ଗ୍ରାମେ ଏବେବି ରହିଛି
ଭାଗବତ ଟୁଙ୍ଗି ଘର
ଚାଳ ଘର ଭାଙ୍ଗି କୋଠା ହୋଇଗଲା
ବଦଳିଲା କଳେବର ।
ଭାଗବତ ପାଇଁ ଏବେବି ରହିଛି
ଲୋକଙ୍କର ଭାବ ଭକ୍ତି
କାଳିଆ ସୁମରି ପଢ଼ିଦେଲେ ଥରେ
ଆତ୍ମାକୁ ମିଳଇ ଶାନ୍ତି ।
ପଢ଼ାହୁଏ ଭାଗବତ ପ୍ରତିଘରେ
ଭାବରେ ଭକ୍ତିରେ ଆଜି
ମନେ ଜାଗିଉଠେ ଭାଗବତ ପ୍ରେମ
କୃଷ୍ଣ ପ୍ରେମେ ଯାଏ ହଜି ।