ଈଶ୍ବର ଦୟାର ସାଗର

ହେ ଈଶ୍ବର ତୁମେ ଦୟାର ସାଗର

   କରିବନି ଦୟା ଉଣା

ଏ ଭବ ସାଗର ପାରି ହେବା ପାଇଁ

   କରିବ ପ୍ରଭୂ କରୁଣା | 

ଧନ କି ବିଭବ ଲୋଡ଼ା ନାହିଁ ପ୍ରଭୂ

   ଲୋଡ଼ା ତୁମରି ଆଶୀଷ

ତୁମ ବିନା ପ୍ରଭୂ ଏ ମାୟା ସଂସାର

    ଲାଗଇ ତ ଖାଲି ବିଷ | 

ଚୁନା ହୋଇଯାଏ ସୁନାର ସଂସାର

    କିଏ ଵା ପାରିବ କଳି

ସୁନାମି-ଭୁକମ୍ପେ ପୋକ ମାଛି ପରି

     ଜନତା ପଡନ୍ତି ବଳି | 

ମୃତ୍ୟୁ ଗ୍ରାସିଯାଏ ପୋଖତ ଶରୀର

    ନବଜାତ ଥାଏ ଚାହିଁ

କାହାର ଆୟୁଷ କେବେ ସରିଯାଏ

    ତମେ ହିଁ ଯାଣ ଗୋସାଇଁ | 

କରୁଣାବତାର ଦୟାର ସାଗର

   ତୁମେ କୃପା ପାରାବାର

ଜୀବନ ନଉକା ପାରିକରିଦେବ

    ଆହେ ଦୟାର ସାଗର |