କାଳିଆ ସାଆନ୍ତେ

ରତ୍ନ ସିଂହାସନେ ବସିଛ କାଳିଆ, ଖିଲି ଖିଲି ମୁହଁ କରି

ତୁମ ଭକ୍ତ ଆଜି ଗଡା଼ଉଛି ଲୁହ, ମୃତ୍ୟୁ ସହ ଯୁଦ୍ଧ କରି ।

ଜଗତର ନାଥ ଆହେ ଜଗନ୍ନାଥ, ଗୁହାରି ଶୁଣିବା ହେଉ

ଦରଶନ ଦିଅ ଦୁର୍ଦ୍ଧଶା ଦୂରେଇ,ସୁଖ ଶାନ୍ତି ମିଳିଯାଉ ।

ଭଙ୍ଗା କୁଡ଼ିଆରେ କାନ୍ଦୁଛି ଭକତ, ହୋଇ ଦରିଦ୍ର ଭିକାରୀ

ରତ୍ନ ସିଂହାସନେ ବସିଛ କାଳିଆ, ଖିଲି ଖିଲି ମୁହଁ କରି  ।

କ୍ରୁର କାଳ ଆଜି କରାଳ ସାଜିଛି, ନେଇ ନିରୀହ ପରାଣ

ଅସହାୟ ହୋଇ ବୁଲୁଛି ମଣିଷ, ସାହା ହୁଅ ନାରାୟଣ ।

କେତେଦିନ ଆଉ ରହିବ ନୀରବେ, ଶ୍ରୀ ମନ୍ଦିରେ ତୁମେ ବସି

ଭକ୍ତ ଡାକ କିଆଁ ଶୁଭୁନି ତୁମକୁ, ପ୍ରାଣ ଯାଏ ତା'ର ଭାସି ।

ଦୟାକର ତୁମେ ହେ ଦୟାବାରିଧି, ଦୀନ ଦୁଃଖ ଦୂର କରି

ତୁମ ଭକ୍ତ ଆଜି ଗଡା଼ଉଛି ଲୁହ, ମୃତ୍ୟୁ ସହ ଯୁଦ୍ଧ କରି ।

ହେ କଳାବଦନ ଘେନି ନିବେଦନ, ଦୂର କର ଦୁଃଖ ହରି

ଦୀନବନ୍ଧୁ ତୁମେ ଦୟାର ସାଗର, ସଂସାରରୁ କର ପାରି ।