ଲାଇବ୍ରେରୀ
ପ୍ରୋଫାଇଲ୍
ଗୁରୁ
ଗୁରୁ
1 min
255
ତୁମ୍ଭେ ଅଟ ବ୍ରହ୍ମା ତୁମ୍ଭେ ଅଟ ବିଷ୍ଣୁ
ତୁମ୍ଭେ ସାକ୍ଷାତ ଈଶ୍ୱର,
ତୁମ୍ଭ ପାଦପଦ୍ମେ ରଖୁଛି ମୋ ମତି
ଘେନ ମୋ କୋଟି ଜୁହାର ।
ଅନ୍ଧାର ରୂପକ ଅଜ୍ଞାନରୁ ତୁମେ
ଜ୍ଞାନର ଆଲୋକ ଦେଇ,
ମାଟି ପିଣ୍ଡୁଳାକୁ ଗଢିତୋଳି ଦିଅ
ଦେବଶିଳ୍ପୀ ତୁମ୍ଭେ ହୋଇ ।
ତୁମ୍ଭେ ଅଟ ପରା ଚଳନ୍ତି ଠାକୁର
ଅସୀମ ଜ୍ଞାନ ଭଣ୍ଡାର,
ଜ୍ଞାନର ଆଲୋକେ ଆଲୋକିତ କର
ଅଜ୍ଞାନ ମୋ ହେଉ ଦୂର।
ଆଶୀର୍ବାଦ ତୁମ୍ଭ କରୁଅଛି ଭିକ୍ଷା
ଦିଅ ତୁମ୍ଭ ପଦ ଧୂଳି,
ସେ ପଦ ଧୁଲିକୁ ମୁଣ୍ଡରେ ବୋଲି ମୁଁ
କର୍ମ ପଥେ ଯିବି ଚାଲି।।
