ନାର୍ଯ୍ୟଦାବୀ

ସ୍ୱାଧୀନ ଆମେ   ସ୍ୱତନ୍ତ୍ର ଆମେ

    ବ୍ୟବସ୍ଥା ଗଣତାନ୍ତ୍ରିକ

ଅଛି ଲିପିବଦ୍ଧ   ସମ୍ବିଧାନେ ଆମ

     ଅଧିକାର ମଉଳିକ ।

ସୁଷମ ଭାବରେ  ନ୍ୟାୟ ପ୍ରଶାସନ

    ଅଭାବ କାର୍ଯ୍ୟାନ୍ୱୟନ

ଧନୀ ଓ ଗରିବ   ଥିଲା ନଥିଲାର

    ବଢୁଅଛି ବ୍ୟବଧାନ ।

ତ୍ୱରିତ ଭାବରେ   ସଠିକ ନିଷ୍ପତ୍ତି

   ନେବାରେ ହୁଏ ବିଳମ୍ବ

ପାଏ ନାହିଁ ନ୍ୟାୟ  ସମାଜେ ପୀଡିତ

   କାନ୍ଦେ ବେକାର ଗରିବ ।

ଅର୍ଥର ଲାଳସା     କରିଦିଏ ଅନ୍ଧ

    ଭ୍ରଷ୍ଟାଚାର ମହାମାରୀ

ବାଡ଼ ଖାଇଯାଏ   ଖେତର ଫସଲ

    ଧନବାନ ଦୁରାଚାରୀ ।

ଫାଟିଯାଏ ଗଳା   ଚିତ୍କାର ପୁକାର

     ଧର୍ମଘଟ ହରତାଳ

ନାର୍ଯ୍ୟଦାବୀ ପାଇଁ  ବନ୍ଦ ରାସ୍ତାଘାଟ

   ଆଲୋଚନା ମୂଲଚାଲ ।

ହୁଏ ବିପର୍ଯ୍ୟସ୍ତ    ଧନ ଓ ଜୀବନ

   ହଟଗୋଳ ପୋଡ଼ାଜଳା

ପ୍ରଭାବିତ ହୁଏ   ଦେଶ ଅର୍ଥନୀତି

    ଦୈନିକ ଜୀବନଯାତ୍ରା ।

ହେଉ ବ୍ୟବସ୍ଥିତ   ସୁପରିଚାଳିତ

   ନାର୍ଯ୍ୟଦାବୀର ହାସଲ

ନ ହେଉ କାହାର   କ୍ଷତି ଅକାରଣ

   ନ ଭୋଗୁ ଜନ କଷଣ ।