Library
ନାରୀ (prompt-10)
ନାରୀ (prompt-10)
1 min
203
ନୁହେଁ ମାତ୍ର ନାରୀ ଭୋଗର ସାମଗ୍ରୀ
ଅଟେ ମୁଁ ସ°ହାରକର୍ତ୍ତ୍ରୀ
ମୁଁ ଜନୟତ୍ରୀ ମୁଁ ପାଳୟତ୍ରୀ
କାତ୍ୟାୟନୀ ଆଦିଶକ୍ତି ।
କାଳର କାଳିମା ହରିବି ମୁଁ ଶ୍ୟାମା
ରୁଦ୍ରା ଭଦ୍ରା ଶକ୍ତି ଶିବା
ଆହରିବି ତେଜ ସକଳ ଆୟୂଧ
ସିଂହରୂଢା ମୁଁ ବିରଜା ।
ନାଶିବି କଳ୍ମଷ ଅଜ୍ଞାନ ତିମିର
ପ୍ରବୃତ୍ତି ପାଷାଣ୍ଢ ପଶୁ
ବିକଶିବି ଜ୍ଞାନ ପ୍ରଣବ ଚେତନା
ମୁକ୍ତିମନ୍ତ୍ର ଫଳପ୍ରସୂ ।
ଆଧାର ସ୍ୱରୂପା ହେବି ସର୍ବ°ସହା
ସବୁଜ ସୁନ୍ଦର ପୃଥ୍ବୀ
ଜାତି ବର୍ଣ୍ଣ ଧର୍ମ ମତ ସ°ପ୍ରଦାୟେ
ଉନ୍ମେଷିବି ସତ୍ୟ ଶାନ୍ତି ।
ବିଶ୍ୱର କଲ୍ୟାଣ ମଙ୍ଗଳ କାରଣେ
ଚିନ୍ମୟୀ ମୁଁ ଚିତ୍ ଶକ୍ତି
ସହସ୍ର ଭୂଜରେ ଧରି ଦିବ୍ୟ ଅସ୍ତ୍ର
ସ°ହାରିବି ଦୁଷ୍ଟମତି ।
ଅଗତିର ଗତି ହେବି ଅବିମୁକ୍ତା
ବିମଳା ଭୂବନେଶ୍ୱରୀ
ହେବି ସୁମାନସୀ ତେଜସ୍ୱିନୀ ଦୁର୍ଗା
ନାଶିବି ଶକ୍ତି ଆସୁରୀ ।
