ନାରୀ ନୁହେଁ ତୁ ନାରାୟଣୀ

ଜରାଗ୍ରସ୍ତ ଆଜି ମଣିଷ ପଣିଆ

ମାନସିକତା ଯେ କ୍ରୁର,

ଲୁହର ରଙ୍ଗ ବି ରକତ ସମାନ

ଧରା ହୁଏ ନାରଖାର ।

ଦୁଷ୍କର୍ମ ଶିକାର ନାରୀଟିଏ ସଦା

ଦୁର୍ବୁତ୍ତ ହାବୁଡେ ପଡି,

ପୁରୁଷ ର କ୍ଷୁଧା ମେଣ୍ଟିଗଲା ପରେ

ନିଆଁରେ ଦିଏ ଫୋପାଡି ।

ପଢିଥିଲି ଶାସ୍ତ୍ରେ ସତୀ ଅପମାନେ

କାଳାନଳ ହେଲା ଜାତ,

ସେହି ଅନଳ ରେ ବାଉନ ଭାଗରେ

ଆଦିଶକ୍ତି ମାତା ଖ୍ୟାତ ।

ବ୍ରହ୍ମ ଅନଳରୁ ଜନମିଲେ ଦୁର୍ଗା

ମହିଷାମର୍ଦ୍ଦିନୀ ହୋଇ,

ଆଧୁନିକ ନାରୀ ଯାଇଛି ପାସୋରି

ମହାକାଳୀ ପରା ସେଇ ।