ମୂଲ୍ୟବୋଧ

ଆଜି ବି କିଛି ତାରା ଦେଖନ୍ତି ମତେ

ଆଜି ବି କିଛି ତାରାଙ୍କ ସହ

ସବୁଦିନ ବାର୍ତ୍ତାଳାପ ମୋର

କ୍ଷୋଭରେ ନୁହେଁ ପ୍ରେମରେ

ଅନ୍ତରୀକ୍ଷ ତଳେ ନିଜକୁ ହଜାଇବାର ପ୍ରୟାସରେ।

ମୁଁ ବସେ ସବୁଦିନ

ସେଇ ମହାକାଶ ତଳେ

କଲ୍ଲୋଳିନୀ ତୀରରେ

ନିଃଶ୍ୱନ ପ୍ରହରେ

ଯେଉଁଠି କାଶତଣ୍ଡୀ ଫୁଲ ଧବ ଫରଫର ଦିଶେ ।

କଳ୍ପକର ନିଃସୃତ ପ୍ରହରେ

ପ୍ରେମାଶ୍ରୁରେ ଭିଜା

ସ୍ମୃତି କ୍ଷଣ କିଛି

ଅନୁରାଗେ ମିଶାମିଶି

ସଂଲଗ୍ନ ବେଳାରେ

ସମୟର ତାଳେ ତାଳେ

ଧୈର୍ଯ୍ୟଟିଏ ସାଜିଛି ପ୍ରସ୍ତର।

ଜୀବନର ମୂଲ୍ୟବୋଧ ମିଳେ

ଏକାତ୍ମାର ରାଜ୍ୟେ

ସେ ଭାରାର୍ପିତ ଠିକଣାର ନାମ

କେ କହିବା ପାରେ ।

ଦେଖିଛି ନିରେଖି 

ପ୍ରେମାନୁରାଗରେ ବନ୍ଧା

ନଦୀ ତଟ ଆଜି

କୁସୁମିତ ପଲ୍ଲବୀତ ଆଜି 

କାଶତଣ୍ଡୀର ମୋହରେ।

ଶରତର ପୂର୍ଣ୍ଣିମା ତିଥିରେ

ଜହ୍ନଟିଏ ହସିଦିଏ

ଅତି ଆପଣାପଣରେ

ଜୀବନଟିଏ ଖୋଜି ବୁଲେ

ମୁକ୍ତିର ପଥ

ଯେଉଁଠି ଅନୁରାଗରେ ବନ୍ଧା 

ତାରାଟିଏ ନିତି ମୋତେ ଦେଖୁଥାଏ।