ମୁଁ କ୍ଷୁଦ୍ର ଧୂଳିକଣାଟିଏ

କଳା ଧଳା ନାଲି   ସବୁଜ ରଙ୍ଗରେ

      ସୁସଜ୍ଜିତ ରଥ ଅଶ୍ୱ

ଗୋଟି ପହଣ୍ଡିରେ   ଆସନ୍ତୁ ଠାକୁରେ

      ଚାହିଁ ରହିଅଛି ବିଶ୍ୱ 

     ଆଷାଢ଼ ଦ୍ୱିତୀୟା ଶୁକ୍ଳ

ସାରଥି ଦାରୁକ    ମାତଳୀ ଅର୍ଜୁନ

      ଆଜ୍ଞାବହ ସୁପ୍ରସ୍ତୁତ ।

ଜୟ ଜୟ ଘୋଷ    ପଡୁଛି ଉଛୁଳି

       ପ୍ରକମ୍ପିତ ବଡ଼ଦାଣ୍ଡ

ନବ ଦିନାତ୍ମକ      ଦଶ ଅବତାର

       ଯାତ ପୃଥିବୀ ପ୍ରସିଦ୍ଧ

       ଦିବ୍ୟ ସ°ଯୋଗ ବୃତ୍ତାନ୍ତ

ବର୍ଣ୍ଣଇ ମହତ୍ତ୍ଵ       କପିଳ ସ°ହିତା

      ଗାଥା ବ୍ରହ୍ମ ପଦ୍ମ ସ୍କନ୍ଦ ।

ସିଂହଦ୍ୱାର ଠାରୁ     ଗୁଣ୍ଡିଚା ବିଜୟ

      ଦୂରତା ଦୁଇ ଯୋଜନ

ତିନୋଟି ରଥର     ବୟାଳିଶ ଚକ

       ଆବର୍ତ୍ତୀ ପରିକ୍ରମଣ

       ନିଗୁଢ଼ ତତ୍ତ୍ୱ ସୃଜନ

ଜୟ ଜଗନ୍ନାଥ     ଦାରୁବ୍ରହ୍ମ ରୂପ

      ପ୍ରକାଶ ଜ୍ୟୋତି ପରମ ।

ହେଉ ବଡ଼ଶଙ୍ଖ     କିବା ବଡ଼ଦାଣ୍ଡ

      ସ°ସାର ଶରଧାବାଲି

କ୍ଷୁଦ୍ର ମୁଁ ମାତର      ଧୂଳିକଣାଟିଏ

      ନାମ ତୁମ ଜପାମାଳି

       ବାମନ ମଧୁସୂଦନ

ନିରେଖି ତୁମର    କଳା ଶ୍ରୀମୁଖକୁ

      ଉଦ୍ଧରୁ ଛାର ଜୀବନ ।