ଲାଇବ୍ରେରୀ
ପ୍ରୋଫାଇଲ୍
ମୁଁ ଆଉ ତୁମେ
ମୁଁ ଆଉ ତୁମେ
1 min
259
ମୁଁ ମେଘୁଆ ଆକାଶ ଖରା
ତୁମେ ପୂବେଇ ପବନ ପରା
ବେଗ ଅଣଚାଶ ବହୁଥାଏ
ସେତ ମହ ମହ ବାସ୍ନା ଭରା ।।
ମୁଁ ଧୁଉ ଧୁଉ ମରୁବାଲି
ପଡିଥାଏ ଏଠି ମୁହଁ ମାଡି
ତୁମେ ଧୀର ଚୋରା ଚଇତାଳି
ଦିଅ ବାରିଦର ବାରି ଢାଳି ।।
ତୁମେ ଶିତୁଆ ସକାଳ ଭଳି
ମୁଁ ଥୁରୁ ଥୁରୁ ଶୀତରାତି
ମତେ ଛୁଇଁ ଦେଇ ଯାଅ ଥରେ
ଅଙ୍ଗେ ଭରିଯାଉ ତୁମ ତାତି।।
ମୁଁ ସନ୍ଧ୍ୟା ଫେରନ୍ତା ପକ୍ଷୀ
ଗଗନରେ ଡେଣା ଝାଡୁଥାଏ
ତୁମେ କାଠି କୁଟା ବାସଟିଏ
ନୀଡ଼ ମୋହ ମତେ ଟାଣୁଥାଏ।।
ତୁମେ ସାଗର ଲହଡ଼ି ସମ
ତୀବ୍ର ଉଲ୍ଲାସ ରୋମାଞ୍ଚ ଭରା
ମୁଁ ତୀରର ତରଣୀଟିଏ
ଦୂର ଦରିଆ ମୋ ପ୍ରିୟ ପରା।।
