ଲାଇବ୍ରେରୀ
ପ୍ରୋଫାଇଲ୍
ସଫଳତା
ସଫଳତା
1 min
185
ସଫଳତା ଅବା ବିଫଳତା
କିଛି ଫରକ ପଡେନି
ବୟସର ଅପରାହ୍ନରେ
ମୃତ୍ୟୁ ଅପେକ୍ଷାରେ ବସିଥିବା
ତୁଚ୍ଛା ଅଲୋଡା, ବୁଢ଼ା ପାଇଁ
ଯିଏ ଜୀଇଁଛି ଆଜିଯାଏ
ନିଜ ଆୟୁଷ ରେ ।
ସିଏ କି ଜୀବନ
ଯିଏ ଚାଖି ନାହିଁ
ସଫଳତାର ସ୍ୱାଦ
ଦେଖିନି ବିଫଳତାର ଦୁଃଖ!!
ସୁଖରେ,ସ୍ନେହରେ,ପ୍ରେମରେ
ପାପୁଲି ଭର୍ତ୍ତି କରି
ସଂସାର ରାସ୍ତାରେ ଦୌଡ଼ି ଦୌଡ଼ି
ଅନେକ ଝୁଣ୍ଟିବା ଭିତରେ
ବିଫଳତା ଆସିଛି ,ଫେରିଛି ବି।
ହେଲେ ଜୀବନ ଜୀଇଁ ଉଠି
ଆଗକୁ ଗଡିଛି
ସଫଳତା ଆଉ କ'ଣ କି!
ଓଜନିଆ ବୋଲି
ତଳକୁ ନଇଁ ପଡ଼ିଛି
ଢେର୍ ସମୟ ।
ଘଟ ଯାଇ ଘାଟରେ ମିଶିବାକୁ
ଯାହା ଅପେକ୍ଷା।
ଏଯାଏ ଅବୁଝା ଏ ପାଠ
ରାମନାମ ହରିନାମର ଗୁଞ୍ଜରଣ କୁ
କାନ ଡେରି ଶୁଣେ କାଳେ
କୋକେଇରେ ଯାଉଥିବା ଶବ।
ଜୀବନ ଜୀଇବାରେ
ସଫଳତା
ମୃତ୍ୟୁ ରେ ବିଫଳତା
ଥାଏ ବୋଲି ମିଛ କି ସତ
ଏଯାଏ ଅବୁଝା।
