ସାମ୍ରାଜ୍ୟ

ପ୍ରେମ ମୁଁ କରିଛି ବୋଲି

ପ୍ରତାରଣା ବାଟ ଭାଙ୍ଗି ଗଲା

ପାରିଲିନି ସାଜି ଏକ

ବିଦ୍ରୋହୀ ପ୍ରେମିକା

ପ୍ରତକ୍ଷା ରେ ସମୟ ବିତିଲା

ହୃଦୟ ର ନିଭୃତ କୋଣରେ

ବୀଜଟିଏ ପୋତି

ବଞ୍ଚାଇ ତ ପାରିଲିନି

ସବୁଜିମା ହଜିଯାଇ

ଶୁଷ୍କ ମରୁଭୂମି ପାଲଟିଲା।।

ଥୁଣ୍ଟା ଗଛଟିଏ ପରି

ସଂସାର ର ପ୍ରଚଣ୍ଡ ରୌଦ୍ରରେ

ଜର୍ଜରିତ ହେଲା 

ପତ୍ର ପୁଷ୍ପ ଫଳହୀନ ଡାଳେ

କେହି ବସିଲେଣି

କିଚିରି ମିଚିରି ଶବ୍ବ 

ଶୁଣିଲା ନି କାନ

ବିତିଗଲା ଦିନ

ନିଜ ସାମ୍ରାଜ୍ୟ ରେ ନିଜେ

କାଟୁଛି ମୁଁ ବନ୍ଦୀ ଜୀବନ।

ଭାବି ନିଅ ଯାହା ବଖାଣିଲି

ଅଭିଯୋଗ କଲି

ସବୁ ଭିତ୍ତିହୀନ

ଏକଲା ଆସିଛି ଆଉ

ଏକଲା ବି ଯିବି

ପ୍ରେମ କରି କାହିଁକି ବା

ପ୍ରତାରଣା ଦେବି

ବରଂ ସାଲିସ୍ କରି

ଅବଶିଷ୍ଟ ଆୟୁଷ ସାରିବି।।