ମତବାଦ

-

କେଉଁ ମତବାଦ ସତ୍ୟ ନୁହେଁ କିବା ମିଥ୍ୟା ନୁହେଁ ସବୁବେଳେ,

ଜୀବନ ଯାତ୍ରାକୁ ସହାୟକ ତାହା ହୋଇଥାଏ ବେଳେବେଳେ ।

ସେ ମତବାଦକୁ କାଳ ସୃଷ୍ଟିକରେ ପୁଣି କାଳକରେ ନାଶ,

ନୂଆ ମତବାଦ ଆସିଗଲେ ଥରେ ପୁରୁଣା ଲାଗିବ ବିଷ ।

କାହା ମତବାଦ ଚିରସ୍ଥାୟୀ ନୁହେଁ ବଦଳିବା ତା' ପ୍ରକୃତି,

ଜନତାକୁ ସାହା ହେବାପାଇଁ ପୁଣି ନିଏ ସେ ନୂଆ ଆକୃତି ।

କେତେ ମତବାଦ ଆସିଛି ଯାଇଛି ଖାଲି ରହିଛି ତା' ଚିହ୍ନ,

ପୁଣି କେତେ ମତ ଆସି ଚାଲିଯିବ ବଦଳିଲେ ଆମମନ ।

ଜ୍ଞାନୀ ଗୁଣୀଜନ ମତବାଦଠାରୁ ଉର୍ଦ୍ଧ୍ୱକୁ ଯାଆନ୍ତି ଜାଣି,

ଚିରନ୍ତନ ସତ୍ୟ ଅନୁସନ୍ଧାନରେ ଲାଗି ଥାଆନ୍ତି ସେ ପୁଣି । 

ପର ଉପକାର ପ୍ରେମ ସେବା ତ୍ୟାଗ ସିନା ଚିରନ୍ତନ ସତ୍ୟ,

ଏହି ମତବାଦ କେବେ ବଦଳେନା ସବୁ ଧର୍ମର ଏ' ମତ । 

#ସିଧାକଥା