ମଶାରୀ ଭିତରେ ମଶା

ବାନ୍ଧି ଜଟାଜୁଟ ଧରି ଛଦ୍ମବେଶ

ଦୁଷ୍ଟ ହୁଏ ନାହିଁ ସାଧୁ

ଧରମ ନାମରେ ଭେଳିକି ଭଣ୍ଡାମୀ

କରେ ଦୁରାଚାରୀ ବୁଦ୍ଧୁ ।

ପିନ୍ଧି ଜାମାଯୋଡ ମଠଣ ଖଦଡ

ଭାଷଣ ଦେଇ ମଧୁର

ଲୁଟନ୍ତି କେତେକ ସାଧାରଣ ଅର୍ଥ

ଦେଖାନ୍ତି କ୍ଷମତା ବଳ ।

ବ୍ଯବସ୍ଥା ନାମରେ କରନ୍ତି ଲଙ୍ଘନ

ବିଧି ବିଧାନର ସୀମା

ବିଚରା ନୀରିହ ଚାହିଁ ଜଳଜଳ

ଭାଗ୍ୟକୁ ନିନ୍ଦଇ ସିନା ।

ଅତୀବ ଚତୁର ଅସାଧୁ ବଣିକ

ଚଳାଏ କଳାବଜାର 

ଚଢା ମୂଲ୍ଯ ନେଇ ବିକିଣ ଭେଜାଲ

ହୋଇଯାଏ ମାଲାମାଲ ।

ଆଇନ ଆଖିରେ ବନ୍ଧା କଳାପଟି

ଅପରାଧି ଯାଏ ଖସି

ନାଲି ଫିତା ତଳେ ଗରିବଙ୍କ ଭାଗ୍ଯ

ହୋଇଯାଏ ଚାପି ପେଷି ।

ବାଜୁନାହିଁ ଜମା ଡିବିଡିବି ବାଜା

ଢୋଲର ଭିତରେ ମୂଷା

ଭଣଭଣ ମାଛି ଜୀବାଣୁ ଭୂତାଣୁ

ମଶାରୀ ଭିତରେ ମଶା ।

ବିପଦ ସଙ୍କୁଳ ସମାଜ ଜୀବନ

ଅନ୍ଧକାର ଭବିଷ୍ୟତ 

ଗ୍ରାସ କରେ ନୀଚ୍ଚ ଲୋଭ ଅହଙ୍କାର 

ଦୁର୍ନୀତି ତୋଷରପାତ ।

ନେବା ଆସ ଆମେ ଦୃଢ ସୁସଙ୍କଳ୍ପ 

ଅନୁସରି ଧର୍ମ ସତ୍ଯ

ଗଢିବା ସୁନ୍ଦର ସୁରକ୍ଷ ସମାଜ

ସତର୍କ ହେବା ଜାଗ୍ରତ ।