ମୋ ସ୍ୱାଧୀନତା
ମୋ ସ୍ୱାଧୀନତା
ଜନ୍ମ ନେଲା ପରେ
କାନ୍ଦିକି ଡରାଉ ଥିଲି
ମୋ କାନ୍ଦ
ଦେଇଥିଲା ସ୍ୱାଧୀନତା
ଭାବୁଥିଲି
ସବୁଦିନ ଏମିତି
ଚାଲୁଥିବ
ଛୁଇଁବନି ପରାଧୀନତା I
ସମୟ
ଗଡି ଚାଲିଲା
ମାଆ
ବାପା
ପରେ ପରେ ଗୁରୁଙ୍କ
ଗାଳି ମାଡ଼ରେ
ସ୍ୱାଧୀନତା କୁ ହରେଇ
ଆପଣେଇ ନେଲି
ପରାଧୀନତା I
ମୁଁ
ସମୟକୁ ହିଁ
ଜଗି ବସିଥିଲି
କେତେବେଳେ ବଡ଼ ହେବି
ବାପା ମାଆ ପରି
ଶାସନ କରିବି I
ହେଲେ,
ସ୍ନେହ, ମୋହ ମାୟାର
ବନ୍ଧନରେ
ବନ୍ଦୀ ହୋଇ ଗଲା
ମୋ ସ୍ୱାଧୀନତା
ବଶୀଭୂତ କରିଦେଲା
ପରାଧୀନତା I
ମାତା ପିତା ଗୁରୁଙ୍କ ପରେ
ଭାଇ ଭଉଣୀ
ସାଙ୍ଗ ସାଥି
ପତ୍ନୀ
ପୁତ୍ର କନ୍ୟା
ଆଉ ଶେଷରେ
ନାତି ନାତୁଣୀର
ଅଧୀନରେ ରହି
ନିଜକୁ କହିଲି
ମୁଁ ପରାଧୀନ
ହଜି ଯାଇଛି
ମୋ ସ୍ୱାଧୀନ I
ହେଲେ
ଭୁଲି ଯାଇଥିଲି
ମୋତେ ଦେଇଥିବା
ସ୍ନେହ ଶ୍ରଦ୍ଧା ଓ ଭଲ ପାଇବା
ମୋ କଥା ମାନିବା
ସମ୍ମାନ ଦେବା
ହିଁ ଥିଲା
ମୋ ସ୍ୱାଧୀନତା
ମୋ ଉପରେ
ସମସ୍ତଙ୍କ ଅଧିକାର
ମୋ ସ୍ୱାଧୀନତା I