ମୋ ଲୁହରେ ତମେ

ତମ ସ୍ମୃତି ମନେ ପଡେ

ଭିଜା କାକର ସକାଳେ

ତମେ ନେଇଗଲ ସବୁ

ଦେଇଗଲ ମୋ ଆଖିରେ

ଲୁହ ଦି' ଧାରେ ।।

ତମେ ଆସିଥିଲ ଛପିଛପି

ସାଜି ଏକ ରଙ୍ଗ ପ୍ରଜାପତି

ତମ ରଙ୍ଗେ ରଙ୍ଗେଇଲି

ସଜେଇଲି ମୋ ଦେହଟିରେ

ଜହ୍ନରୁ ଜୋଛନା ମାଖି ।।

ହଜିଗଲି ସୋରିଷ କ୍ଷେତର

ସୁନାଝରା ବର୍ଣ୍ଣାଳୀରେ

ନିଜେ ହେବାକୁ ସୁନାଝିଅଟିଏ

ସମାଜର ଆଖି ଆଗେ

ପ୍ରତାରିକା ହେଲିଯେବେ

ଛୁଇଁଦେଲ ଦେହମୋର

ମୋ ସରଳତା ସୁଯୋଗରେ

ମୋ ଅନାବିଳ ବିଶ୍ବାସରେ ।।

ତୁମେ ଯାଯାବର ଜାଣି

ଅଯାଚିତେ ଦେଲି ମୁଁ ସର୍ବସ୍ବ

ତୃଷ୍ଣା ନିବାରିଲ ହେ ତୃଷାର୍ତ୍ତ

ନାରୀ ମାଟି ମାଠିଆଟେ ବୋଲି

ହେଲି ନିର୍ବାସିତ ମୁଁ ତମ ପାଇଁ

ଅଲୋଡା ଅସ୍ପୃଶ୍ଯ ।।