ଲାଇବ୍ରେରୀ
ପ୍ରୋଫାଇଲ୍
ମୋ ଭାରତ
ମୋ ଭାରତ
1 min
203
ଯେଉଁଠି ଜନ୍ମିଛି
ସେଇଠି ମରିବି
ସେହି ମୋ ଜନମ ଭୂଇଁ
ତା ପାଣି ପବନ
ମୋ ପାଇଁ ଚନ୍ଦନ
ମଥା ପାତି ନାଏ ମୁଁହିଁ
ତା ମାଟି ମହକ
ମୋ ଦେହେ ମହକେ
ସଦା ମତୁଆଲା ମୁହିଁ
ଜନମେ ଜନମେ
ଭୁଲି ନ' ପାରିବି
ଯେତେ ଜନ୍ମ ନେଲେ ମୁହିଁ
ତା ସୁସ୍ଵାଦୁ ଖାଦ୍ୟ
ଥାଏ କେତେ ସ୍ଵାଦ
କଳି ନ ପାରଇ ମୁହିଁ
ଜୀବନ ଯାକ ମୁଁ
ଭାରତ ବୁଲିଲେ
ସବୁ ଚାଖିପାରେ ନାହିଁ
ତା ବେଶ ଭୁସାରେ
ନା ନା ରଙ୍ଗ ଭରା
ଏକାଠି ବାନ୍ଧିବା ପାଇଁ
ବିଭିନ୍ନତା ମଧ୍ୟେ
ଏକତା ତା ମନ୍ତ୍ର
ଶାନ୍ତିରେ ବଞ୍ଚିବା ପାଇଁ
କେତେ ଧର୍ମ ଏଠି
ସଭିଁଏ ସମାନ
ଅହିଂସା ଭାବକୁ ବହି
କଳହ ନକରି
ଶାନ୍ତିରେ ବଞ୍ଚିବା
ପ୍ରତି ଧର୍ମେ ଲେଖାଥାଇ
କେତେ ମୁନି ଋଷି
ଜନ୍ମ ନେଇ ଏଠି
ମାଟିରେ ଗଲେଣି ମିଶି
ତାଙ୍କ ମୁଖ ବାଣୀ
ଏବେ ଅମଳିନ
ଆମେ ଜପୁ ଦିବାନିଶି
ଏଣୁ ମୋ ଭରତ
ସର୍ବଦା ମହାନ
ମହାନ ତାରି ସଂସ୍କୃତି
ଯେତେ ଥର ମଲେ
ଜନ୍ମ ନେଉଥିବି
ତା ସେବାରେ ସଦା ମତି
