କୁଅଭ୍ୟାସ ଦମନ

ଯାହା ମୋ ନିଜର

କ୍ଷତି କରୁଥାଏ

ମୋ ଅଜାଣତରେ

ଆଉ ଜାଣିବାର

ଜୁ ମୋର ନ’ଥାଏ ।

କିଏ କେବେ

ଇସରା କଲେ

ମୁଁ ଚିହିଁକି ଉଠେ

ସିଧା ସିଧା ଜବାବ ଦିଏ

ତୁମର କ’ଣ ହେଲା ‘ହୋ’

ମୋ କଥା ମୁଁ ବୁଝୁଛି ।

କାହା ଆକଟ

ନା’ ମାନେ

ନା’ ଶୁଣେ,

କାହା ଉପଦେଶ

ନା’ କାନରେ ପସେ

ନା’ କାର୍ଯ୍ୟକାରୀ କରେ ।

ଏବେ ନେଡି ଗୁଡ

କହୁଣିକି ବହିବାପରେ

ମୁଁ ଗୋଟା ପଣେ ଚେତୁଛି,

ସଭିଙ୍କ ଆକଟ, ଉପଦେଶ

ଏବେ ମୋ ଚେତନାରେ

ବାର ବାର ପ୍ରତିଧ୍ଵନିତ ହେଉଛି

ମୁଁ ନିଶା ସେବନ ଛାଡିଛି ସତ

ହେଲେ ମୋ ସ୍ୱାସ୍ଥ୍ୟ ଯେତିକି

କ୍ଷତି ଘଟିଛି ସେ ମୋତେ ଛାଡ଼ୁନିଦିନକୁ ଦିନ ଲହୁ ଲୁହାଣ କରୁଛି 

ହେଲେ ମୁଁ ଅନୁତପ୍ତ

ଖାଲି ଚିତ୍କାର କରୁଛି

ମୁଁ ତ ଛାଡି ଦେଇଛି

ତୁମେ ମାନେ

ମୋତେ କାହିଁ ଛାଡୁନ ।