ଅସୁର ସହିତ ଦିନେ
ଅସୁର ସହିତ ଦିନେ
ଥରେ ନିଦରେ
ଦେଖା ହେଲା
ଅସୁର ସହିତ,
ସେ ମୋତେ
ବାର ବାର ଟେକି ନେଉଥିଲା ଉପରକୁ
ତା ଲୋମସ ହାଡୁଆ ହାତରେ
ଆଉ ଛାଡି ଦେଉଥିଲା ତଳକୁ
ଯେଉଁଠି ଥିଲା କୁଢ କୁଢ ପଥର ।
ଯେତେ ଥର ନେଉଥିଲା
ଆଉ ଫୋପାଡୁଥିଲା
ପ୍ରତିଥର ମୋ ଦେହ
ଶିହରି ଉଠୁଥିଲା
କମ୍ପୁଥିଲା ଥରୁଥିଲା ଭୟରେ ।
ଯେବେ ନିଦ ଭାଙ୍ଗିଲା
ଦେଖେ ମୁଁ ସମ୍ପୂର୍ଣ ସୁରକ୍ଷିତ
ଆଉ ଡର ଭୟ ନ'ଥିଲା
ଠୋ ଠୋ ହସିବା ବେଳକୁ
ଆଉ ଅସୁର ନ'ଥିଲା
ମୋ ହସ ବାର ବାର
ଉଠୁଥିଲା ପଡୁଥିଲା
ଅବଚେତନରୁ ଚେତନାର ରୂପାନ୍ତରରେ ।