ମୋ ଆର୍ଯ୍ୟଭୂମି ଉତ୍କର୍ଷୁ ଭାରତ
ମୋ ଆର୍ଯ୍ୟଭୂମି ଉତ୍କର୍ଷୁ ଭାରତ
ଚୈତ୍ର ଶୁକ୍ଳପକ୍ଷ ପ୍ରତିପଦ ତିଥି
ସୁସ୍ବାଗତ ନବବର୍ଷ
ଶୁଭଙ୍କର ହେଉ ନବ ସୂର୍ଯ୍ୟୋଦୟ
ଭରୁ ପ୍ରତି ପ୍ରାଣେ ହର୍ଷ ।
ମଧୁ ବସନ୍ତର ପବିତ୍ର ସ୍ପର୍ଶରେ
ସୁଆବର୍ତ୍ତ କାଳକ୍ରମ
ଯୁଗାବ୍ଦ ଶକାବ୍ଦ ବିକ୍ରମ ସମ୍ବତ
ଶୁଭମସ୍ତୁ ଅୟରାମ୍ଭ ।
ସ୍ବୟଂ ଭଗବାନ ପ୍ରଭୁ ରାମଚନ୍ଦ୍ର
ଧର୍ମରାଜ ଯୁଧିଷ୍ଠିର
ରାଜ୍ୟ ଅଭିଷେକ କରିବା ବୃତ୍ତାନ୍ତ
ଲିପିବଦ୍ଧ ସ୍ବର୍ଣ୍ଣାକ୍ଷର ।
ମହା ଋଷି ବ୍ଯାସ ବେଦ ଚର୍ତୁତୟ
କରିଣ ଉପସ୍ଥାପନ
ରଚି ଯାଇଛନ୍ତି ଅମର ଦୃଷ୍ଟାନ୍ତ
ସମୁଜ୍ଜ୍ୱଳ କୀର୍ତ୍ତିମାନ ।
ପରମ ପାବନୀ ବାସନ୍ତୀକ ଦୁର୍ଗା
ପୂଜା ନବ ଦିନାତ୍ମକ
ନବ ସୃଜନର ସୁ ଅବସରରେ
ହରେ ଦୁଃଖକଷ୍ଟ ଶୋକ ।
ବିଜ୍ଞାନ ଗଣିତ ଜ୍ଯୋତିଷ ଶାସ୍ତ୍ରରେ
ସଠିକ କାଳ ଗଣନା
ଆର୍ଯ୍ୟଭୂମି ମୋର ସାଧନା ଶ୍ରୀକ୍ଷେତ୍ର
ସୃଜେ ସୃଷ୍ଟି ସଙ୍କଳ୍ପନା ।
ଉତ୍କର୍ଷୁ ଭାବନା ସାହିତ୍ଯ ଆଦର୍ଶ
ପୁଣ୍ଯ ମୋ ଭାରତବର୍ଷ
ସତ୍ଯ ଜ୍ଞାନାଲୋକେ ଉଦ୍ଭାସୁ ଜୀବନ
ହେଉ ଅନ୍ଧକାର ନାଶ ।