ମନେରଖ ବାଇ ମନ

ଦେହ ଅଭିମାନ   ଛାଡିବାକୁ ହେବ

     ମନେରଖ ବାଇମନ

ଜଗନ୍ନାଥପ୍ରୀତି   ରଖିବା ନିଇଟି

    ପ୍ରଭୁ ହୋଇବେ ପ୍ରସନ୍ନ।

ରଖୁଥିବାସତ୍ୟ  ପ୍ରୀତି ଅନାବିଳ

    ଜ୍ଞାନଗହଣାରେ ସଜ

ଏହାହିଁ ତୋହର  ପ୍ରକୃତ ସୌନ୍ଦର୍ଯ୍ୟ

    ଦେହୀ ମାନର ମଉଜ।

ଖରାପ ଅଭ୍ୟାସ  କରିବାକୁ କେବେ

    ମନ ବଳେଇବା ନାହିଁ

ଭୁଲିଯିବା ଗର୍ବ  ଅହଂକାର ଯେତେ

    ସାଧୁପନ୍ଥା ବାଛି ନେଇ।

 ଦିନ ପ୍ରତିଦିନ    ଖୁସିରେ ରହିବା

    ନଥିବ ଭୟ କାହାକୁ

ବିନାଶ ଆସିଲେ  ସେ ପ୍ରଭୁ ଅନନ୍ତ

     ନିସ୍ତରିବେ ଭକଟକୁ।

ଏନୀତି ଆଦରି    ମଣିଷ ଜୀଵନ

   ପୁଣ୍ୟ କର ଆରେ ଧନ

ଗୁଣମୂର୍ତ୍ତ ହୋଇ    ସଭିଙ୍କୁ କରିବା

    ଦେଇ ଫୁଲ ମହାଦାନ।