ମନ ଝରଣା

 

ଝୁମୁକା ନାଇ ନାଚୁଥାଇ ମନ ଝରଣା 

କୁଳୁକୁଳୁ ଗାଇ ମିଠା ମିଠା ଗାଉଣା 

ଦୁଇକୂଳେ କେତେ ତାର ସ୍ବପ୍ନ ଦୟଣା 

ଏତେ ସପନକୁ ରାତି ନିଅଣ୍ଟ ବୁଝେନା 

ସେ ଝରଣା ମାଗୁଥାଏ ପ୍ରେମ ପାଉଣା 

କେବେ କରେ ସତ ମିଛ ଅବତାରଣା 

ସ୍ବପ୍ନ ସର୍ତ୍ତ ଆଉ ସ୍ମୃତି ଢେଉ ମନଝରଣା 

ନଥାଏ ଛଳନା ପୁଣି ଥାଏ କଳପନା 

ସ୍ରୋତସ୍ୱିନୀ ମନ ହଜାଇ ନିଜ ଠିକଣା 

କଲ୍ଲୋଳନୀ ମନ ଗଞ୍ଜଣା ସହି ପାରେନା 

ପଲ୍ଲବିନୀ ମନ ମାଗେ କେବେ ଖେଳନା 

ଚଞ୍ଚଳମତି ଗାଏ ସେ ଗୀତି ଦେଖି ଆଇନା 

କୋମଳମତି ମନ ମାଗେ ପ୍ରତିଶ୍ରୁତି ଗହଣା 

ପିନ୍ଧି କେବେକେବେ ହୁଏ ଅରଣା ବାଟବଣା

ମନ ଝରଣା ଜାଣିଶୁଣି ଧୋକା ଦିଏନା 

ଭାଙ୍ଗିଗଲେ ତା ହୃଦୟ ଦେଖି ସହି ହୁଏନା 

ଅଙ୍କାବଙ୍କା ଗତି ସଜାଡ଼ିବା ଖାଲି ବାହାନା 

ପ୍ରୀତି ଫୁଲେ ବନ୍ଦାଇଲେ ନଥାଏ ଛଳନା 

ମମତା ଅର୍ଘ୍ୟ ସ୍ନେହ ଶିକୁଳୀ ବାନ୍ଧି ରଖନା 

ମନଝରଣାରେ ଉଜାଣି କରେ ବାଟମାରଣା 

ସ୍ବର୍ଗୀୟ ଝଡେ ଝରଣା ଝାଡେ ସ୍ନେହକରୁଣା 

ସାରସ୍ୱତ ଫୁଲ ଫୁଟି ବାସେ ଝରଣା ଅଗଣା 

ମନଝରଣାରେ ଫୁଟେ ପଦ୍ମ ହୁଏଵି ମାଜଣା

ମନଝରଣା ଖୋଜି ଭଲପାଇବା ବନ୍ଦାପନା 

ସ୍ନେହ ମମତା ଦରଦ ଖୋଜେ ଓଁକାର ଝୁଣା 

ପ୍ରତିଭା ବିକଶି ମନଝରଣାମନ ନହୁଏଉଣା 

ସତରେ ମନଝରଣା ପ୍ରୀତି ମୈତ୍ରୀ ରଙ୍କୁଣା ।