Hurry up! before its gone. Grab the BESTSELLERS now.
Hurry up! before its gone. Grab the BESTSELLERS now.

Anita Dash

Abstract Inspirational Others


4  

Anita Dash

Abstract Inspirational Others


ସ୍ୱର୍ଣ୍ଣାକ୍ଷରେ ନାମ ରହୁ 🙏

ସ୍ୱର୍ଣ୍ଣାକ୍ଷରେ ନାମ ରହୁ 🙏

1 min 325 1 min 325


ଶୁଭ ପ୍ରଦାୟିନୀ, ଅଶୁଭ ନାଶିନୀ

ତୁହି ମାତା ଶୁଭ ପ୍ରଦା,

ଶାରସ୍ୱତ ପ୍ରାଣେ ଭକତିକୁ ଭରି

କରୁଅଛୁ ପାଦ ସେବା। [୧]

ଶରତ ଆକାଶେ ପାର୍ବଣର ରଙ୍ଗ

ଫିକା ଫିକା ଦିଶେ କାହିଁ ?

ଶିଥିଳ ଜୀବନେ ଭରିଦେ ମାଆଲୋ

ଚଳ ଚଞ୍ଚଳତା ତୁହି । [୨]

ସରଳ-ନିରୀହ ତୋହରି ସନ୍ତାନ

କେତେ ଭୟଭୀତ ସତେ!

ଅଭୟ ପଣତ ଘୋଡେଇ ଦେଏମା

ଭୟ ଦୂର ହେଉ ଯେତେ । [୩]

ସହିବା ଶକତି ଅସହ୍ୟ ହେଉଛି

ପ୍ରତୟ ଯାଉଛି ଚାଲି,

ଦୁଃଖ ଦୁର୍ଦ୍ଦଶାକୁ ଦୂରେଇଦେ ମାଆ

ଧାରା ଧାମେ ଅବତରି । [୪]

ଶତ ଶତ କେତେ ନିରୀହ ଜୀବନ

ଅକାଳେ ଯାଆନ୍ତି ଝରି,

ମାଆ ହୋଇ ପୁଣି କେମିତି ସହୁଛୁ

ସଂହାର ନକରି ଅରି ? [୫]

ଶଙ୍କା ଆଣେ ମନେ ତୋର ନିରବତା

ହୋଇଗଲୁକି ପାଷାଣୀ,

ମାଆ ହୃଦୟର ବାତ୍ସଲ୍ୟ ମମତା

ପାରୁନୁତ ଆମେ ଜାଣି ? [୬]

ଶୁଣିକି ପାରୁନୁ ଭକତ ସମୂହ

ଅନ୍ତରର ଏ ବିଳାପ,

ମଉନତା ଭାଙ୍ଗି ଅଚିରେ ଦେଏମା

ଅବୋଧଙ୍କୁ ଟିକେ ବୋଧ । [୭]

ଶକତି ଦେଏମା କପୋତୀଟି ପରି

ଝଡର ଉପରେ ଯାଇ,

ଦୃଢ ମନ ନେଇ ତୋ ସନ୍ତାନ ରହୁ

ସଦା ସୁରକ୍ଷିତ ହୋଇ। [୮]

ସର୍ବ ମଙ୍ଗଳର ଦୁନ୍ଦୁଭି ବଜାଇ

ଆସ ମାଆ ଆସ ବାରେ,

ଦୁର୍ଗତି ଦୂରେଇ ଦୁର୍ଗା ନାମ ତୁମ

ରହିଥାଉ ସ୍ୱର୍ଣ୍ଣାକ୍ଷରେ । [୯]

***************************


Rate this content
Log in

More oriya poem from Anita Dash

Similar oriya poem from Abstract