ମେଘ ରାଜା ତୁମେ ଆସିବକି?
ମେଘ ରାଜା ତୁମେ ଆସିବକି?
ମେଘରାଜା ତୁମେ ବରଷା ଝରାଇ
ଛମ ଛମ ହୋଇ ନାଚିବକି?
ବହୁ ପ୍ରତୀକ୍ଷିତା ଧୂସର ଧରଣୀ
ଦେହ ଛୁଇଁ ଛୁଇଁ ବାସିବକି ।
ଗ୍ରୀଷମେ ବ୍ୟଥିତ ତରୁଲତା ଗୁଳ୍ମ
ତୁମ ପରଶରେ ହସିବେକି !
ଧରଣୀ ମା ଆମ ସବୁଜ ଶାଢୀରେ
ଆହୁରି ସୁନ୍ଦର ଦିଶିବକି ।
ପ୍ରେୟସୀ ମୟୂରୀ ଆତ୍ମହରା ହୋଇ
ତୁମ ଛନ୍ଦ ତାଳେ ନାଚିବକି,
ପ୍ରତିକ୍ଷାର ଦାହେ ବିରହୀ ଚାତକୀ,
ଜଳ ପାନେ ତୃଷ୍ନା ମେଣ୍ଟିବକି ।
ଚଷାଭାଇ ମନେ ଆସନ୍ନ ଖୁସିର
ଅଶେଷ ସମ୍ଭାର ବୁଣିବକି,
ଖେତ ଖମାରରେ ସୁନାର ଫସଲ
ଭରପୁର ହୋଇ ଉଠିବକି ।
ମେଘରାଜ ତୁମେ ବରଷା ଝରାଇ
ଛମ ଛମ ହୋଇ ନାଚିବକି ?