लाइब्रेरी
प्रोफाइल
ନଈ
ନଈ
1 min
319
ନଈଟିତୁ ପରା ପାହାଡ ଛାତିରୁ
ଝର ଝର ଝରି ଯାଉ,
କୁଳୁକୁଳୁ ଗାଇ ଖିଲିଖିଲି ହସି
ଅବିରତ ବହୁ ଥାଉ।
ପ୍ରିୟ ସାଗରର ସାଥେ ମିଶିବାର
ଅଟଳ ସଂକଳ୍ପ ନେଇ,
ସମୟର ହାତଧରି ଚାଲୁଥାଉ
ମିଠା ସପନକୁ ନେଇ।
ନିଦାଘ ତାତିରେ ସନ୍ତାପିତ କେବେ
ଜାଡେ ଥୁରୁ ଥୁରୁ ହୋଇ,
ସମୀରର ତାଳେ ଅଂକାବଂକା ଚାଲୁ,
ବରଷାର ଟୋପା ପିଇ।
ଭରା ସବୁଜିମା ଜୀବଦାନ ଦେଇ,
ସଭ୍ୟତାର କେନ୍ଦ୍ର ହୋଇ,
ଭେଦଭାବ ଭୂଲି, ଜଗତ ହିତର
ସେବାଭାବ ମନେ ନେଇ।
ଦୃଢ଼ମନା ହୋଇ ଲକ୍ଷ ସାଧନରେ
ନିରନ୍ତର ହେଲେ ବ୍ରତୀ ,
ସଫଳତା ଦିନେ ପାଦ ଛୁଇଁ ଯିବ
ଏହି ଶିକ୍ଷା ଦେଉ ନିତି ।
