ମହାପ୍ରଭୁ ହେ

ଦୀନ ଦୁଃଖହର୍ତ୍ତା ଜଗତକରତା

ଶୁଣିବ କି ମୋ ଗୁହାରି 

ଦୁଃଖୀଜନ ଦୁଃଖ ହରିବା ପାଇଁକି

ଡାକୁଅଛ ହାତ ଠାରି 

ମହାପ୍ରଭୁ ହେ॥୧॥

ଅଗାଧ ଜଳରୁ ରଖିଲ ଗଜକୁ

ନକ୍ରକୁ ଚକ୍ରରେ ମାରି

ଦ୍ରୌପଦୀ ତାରଣ ଲଜ୍ଜା ନିବାରଣ

କୋଟିବସ୍ତ୍ର ଦାନକାରୀ

ମହାପ୍ରଭୁ ହେ॥୨॥

ବନରେ ମୃଗୁଣୀ ରଖି ଚକ୍ରପାଣି

ବ୍ୟାଧ ପ୍ରାଣ ନେଲ ହରି 

ହତ କଲ ପ୍ରାଣ ଲଙ୍କାର ରାଜନ

ରାମ ଅବତାର ଧରି 

ମହାପ୍ରଭୁ ହେ॥୩॥

ପୂୂତନା ପରାଣ ପାନ କଲ ତୁମେ

ଶିିଶୁକୃଷ୍ଣ ରୂପ ଧରି

ଗୋପାଳ ବାଳଙ୍କୁ କରିଲ ଉଦ୍ଧାର

ଦାବାନଳ ପାନ କରି

ମହାପ୍ରଭୁ ହେ ॥୪॥

ଦରିଦ୍ର ସୁଦାମା ଦୁଃଖ ଦୂରକଲ

ସମ୍ପଦରେ ଦେଲ ଭରି 

କେଉଁ ଦୀନ ଦୁଃଖ କରିନାହଁ ଦୂର

ହୃଦକନ୍ଦର ବିହାରୀ

ମହାପ୍ରଭୁ ହେ ॥୫॥

ମାଗୁନାହିଁ ଧନ ଜନ ପଉରୁଷ

ତୁମକୁ କିଛି ଶ୍ରୀହରି 

ଜଗତ ଜନଙ୍କ ଦୁଃଖକୁ ହରିବ

ଚକ୍ର ଆଢୁଆଳ କରି

ମହାପ୍ରଭୁ ହେ ॥୬॥