ମହାନ ହୁଅନା ଭାଙ୍ଗିକାହା ସ୍ବପ୍ନ

ମହାନ ହୁଅନା ଭାଙ୍ଗି କାହା ସ୍ବପ୍ନ 

ଦେଖୁଛନ୍ତି ଭଗବାନ,

ସମୟ କାହାର ସମାନ ଯାଏନି 

ତୁଟିବ ଦିନେ ଗୁମାନ l 

ଭାଙ୍ଗିବା ଟି ସିନା ସହଜ ଅଟଇ 

ଗଢିବା ସହଜ ନୁହେଁ,

କାହାର ସପନ ଗଢ଼ିଦେଲେ ଟିକେ 

ପୁଣ୍ୟ ଫଳ ମିଳିଥାଏ l

ଭାଙ୍ଗିଦେଲେ କାହା ଆଶା ଟିକୁ ତୁମେ 

ଝରିବ ନୟନୁ ଲୁହ,

ଲୁହ ନୁହେଁ ସିଏ ଅଭିଶାପ ଅଟେ 

ବାରେ ତାକୁ ବୁଝି ଥାଅ l

କିଲାଭ ପାଇବ କାହାକୁ କନ୍ଦାଇ 

ପାରିବକି ନିଜେ ହସି,.

ଅନ୍ୟର ମନରେ ଦୁଃଖ ଦେଇ ଜଣେ 

ହୁଏନାହିଁ କେବେ ଖୁସି l

ସ୍ବପ୍ନଟି ପୂରଣ କରିବା ପାଇଁକି 

କରିଥିବ ଶ୍ରମ କେତେ,

ଲୁହ ଲହୁ କେତେ ଝରାଇଥିବ ସେ 

ଚିନ୍ତ ନିଜ ହୃଦ ଗତେ l

ଆଶାର ନୀଡ଼ କୁ ଭାଙ୍ଗିଦିଅନାହିଁ 

ଝଡ଼ କି ବତାସ ସାଜି,

ପାରୁଅଛ ଯଦି ବାସ କାହା ପାଇ

ନିଜ ହାତେ ଦିଅ ସୃଜି l

ନିଜେ ପଛେଆମେ କଷ୍ଟ ସହିଯିବା 

ଅନ୍ୟକୁ ସହାୟ ହୋଇ,

ଅନ୍ୟର ସ୍ବପ୍ନ କୁ ଭାଙ୍ଗିବାକୁ କେବେ 

ହୃଦରେ ଚିନ୍ତିବା ନାହିଁ ll