ମହାମାରୀ କର୍କଟ

ଅତି ଭୟଙ୍କର ବଡ ମାରାତ୍ମକ 

ଅଟଇ ବ୍ଯାଧି କର୍କଟ 

ମୃତ୍ଯୁର କାରଣ ଦ୍ବିତୀୟ ବୃହତ୍ତ

କରୁଛି ସୃଷ୍ଟି ସଙ୍କଟ ।

ମରୁଛନ୍ତି ଦଶ ଲକ୍ଷରୁ ଅଧିକ

ଏହି ରୋଗେ ପ୍ରତି ବର୍ଷ 

ଏହାର କବଳେ ନିମ୍ନ ମଧ୍ଯବିତ୍ତ 

ପ୍ରଭାବିତ ବହୁ ଦେଶ ।

ଶରୀର ମଧ୍ଯରେ କୌଣସି କୋଷିକା

ହୁଏ ଯଦି ସଂକ୍ରମିତ 

କରେ ନାହିଁ କାମ ସ୍ବାଭାବିକ ଭାବେ

ଦିଅଇ ଯନ୍ତ୍ରଣା କଷ୍ଟ ।

ଡାକ୍ତରୀ ଭାଷାରେ କହନ୍ତି ଏ ବଥ

ଅଟେ କର୍କଟ ଟ୍ୟୁମର

ନ କଲେ ଚିକିତ୍ସା ଅନ୍ଯ କୋଷ ଅଙ୍ଗ

ହୁଅଇ ରୋଗ ଜର୍ଜର ।

ରକ୍ତ କଣିକାରେ ରୋଗର ଜୀବାଣୁ

ବ୍ଯାପିଯାଏ ଶରୀରରେ

ସଂକ୍ରମିତ ହୁଏ ପାକ ସ୍ନାୟୁ ତନ୍ତ୍ର 

ମଣିଷକୁ ବ୍ଯାଧି ଘାରେ ।

କର୍କଟ ବ୍ଯାଧିର ଏକତୃତୀୟାଂଶ

ପ୍ରାଥମିକ ଅବସ୍ଥାରେ

ହୋଇଲେ ଚିହ୍ନିତ ଆରୋଗ୍ଯ ସମ୍ଭବ

ଉପଯୁକ୍ତ ଚିକିତ୍ସାରେ ।

ନିଶା ଧୂମ୍ରପାନ ବିଶ୍ରାମହୀନତା

ଅନିୟମିତ ଜୀବନ

ଶରୀରେ ଅଭାବ ସୁଷମ ଆହାର

ରୋଗର ମୁଖ୍ଯ କାରଣ ।

ହେଉଛି ଉନ୍ନତ ଚିକିତ୍ସା ବିଜ୍ଞାନ 

ଚାଲିଛି ଅନୁସନ୍ଧାନ 

ରହିଲେ ସଜାଗ ମହାମାରୀ ଦାଉ

ହୋଇବ ନିରାକରଣ ।