Library
ମହା ପ୍ରଭୁଙ୍କ ଭିନ୍ନ ଭିନ୍ନ ବେଶ
ମହା ପ୍ରଭୁଙ୍କ ଭିନ୍ନ ଭିନ୍ନ ବେଶ
ବଡଦେଉଳରେ ବଡ ପର୍ବ ତାର
ବାର ମାସେ ତେର ଜାତ
ଭିନ୍ନ ଭିନ୍ନ ବେଶ ହୁଅନ୍ତି ବିଗ୍ରହେ
କହୁଛି ଯୋଡି ମୁଁ ହସ୍ତ
ଜ୍ୟେଷ୍ଠ ପୁର୍ଣିମାକୁ ଗଜାନନ ବେଶ
ନବମୀ ଚନ୍ଦନ ଲାଗି
ଆଷାଢ଼ ମାସରେ ନବ ଯଉବନ
ଅମାବାସ୍ୟା ତିଥି ଭୋଗି
ସୁନାବେଶ ହୁଏ ରଥାରୁଢ଼େ ପ୍ରଭୁ
ଶୁକ୍ଳ ଏକାଦଶୀ ପରା
ଭକ୍ତଗଣେ ଭକ୍ତି ହୃଦରେ ଦେଖନ୍ତି
ଦେଖନ୍ତି ଜଗତସାରା
ଭାଦ୍ରଵ ମାସରେ ବଣଭୋଜି ବେଶ
କାଳୀୟ ଦଳନ ପୁଣ
ପ୍ରଳମ୍ବାଶୁର ବଧ ବେଶ ହେବେଟି
ଦ୍ୱାଦଶୀ ତିଥିକୁ ଜାଣ
ତ୍ରୟୋଦଶି ଦିନ କୃଷ୍ଣ ବଳରାମ
ବେଶ ଯେ ହୁଅନ୍ତି ପ୍ରଭୁ
ବଳିବାମନ ଶୁକ୍ଳ ତ୍ରୟୋଦଶୀ
ଜଗତର କର୍ତ୍ତା ବିଭୁ
ଆଶ୍ଵିନ ମାସର ଶୁକ୍ଳ ଦଶମୀରେ
ରାଜବେଶ ହୋଇଥାନ୍ତି
ସେ ବେଶ ଦର୍ଶନେ ମନରୁ ପାତକ
ଆପେ କ୍ଷଣେ ଦୂର ହୋନ୍ତି
କାର୍ତ୍ତିକ ମାସଟି ଅତି ଧର୍ମମୟ
ବେଶ ରାଧା ଦାମୋଦର
ହରିହର ବେଶ ଅମାବାସ୍ୟା ତିଥି
ନାଗାର୍ଜୁନ, ରାଜେଶ୍ଵର.
ଶୁକ୍ଳ ତ୍ରୟୋଦଶୀ ଶୁକ୍ଳ ଚତୁର୍ଦ୍ଦଶୀ
ମନ୍ଦିର ଭିତରେ ରୁହ
ଦେଖିବା ପାଇଁକି ବାଙ୍କଚୁଡ଼ ବେଶ
ତା ପରେ ଲଷ୍ମୀ ନୃସିଂହ
ମାର୍ଗଶିର ମାସେ ତିନଟି ବିଗ୍ରହ
ହୁଅନ୍ତି ଶ୍ରଦ୍ଧାର ବେଶ
ପଉଷ ମାସରେ ଦେଖିବୁରେ ମନ
ତାର ଚଉରାଶିଆ ବେଶ
ପୁଷ୍ୟଭିଶେକଟି ପଉଷ ପୁର୍ଣ୍ଣିମା
ମନେ ହୁଏ କୌତୁହଳ
ମାଘ ପୁର୍ଣ୍ଣିମା ରେ ପଦ୍ମ ବେଶ ଆଉ
ଗଜ ଉଦ୍ଧାରଣ ବେଳ
ଫାଲ୍ଗୁନ ପୁର୍ଣ୍ଣିମା ରାଜବେଶ ଆଉ
ଚାଚେରି ବେଶଟି ହୁଏ
ଚଇତ୍ର ମାସର ଶୁକ୍ଳ ନବମୀରେ
ରଘୁନାଥ ବେଶ ଥାଏ
ବଡ ଠାକୁରଙ୍କ ଭିନ୍ନ ଭିନ୍ନ ବେଶ
ଏହିଠାରେ ହେଲା ପୂର୍ଣ୍ଣ
ଜୀବନରେ ଥରେ ସେ ବେଶ ଦର୍ଶନେ
ଜୀବନଟି ହୁଏ ଧନ୍ୟ।
