ମଧୁବସନ୍ତ

ଭଲଲାଗେ ଭାରି ସୁକୋମଳ ପ୍ରିୟା 

    ସବୁଜ ପାଟ ପଣତ

ବିବିଧ ରଙ୍ଗରେ ଶୋଭା ଛିଟ ଫୁଲ

    ଲାଗେ ସୁନ୍ଦର ବହୁତ ।

ନାଲି ଶଙ୍ଖା ଚୂଡି ମଥାରେ ସିନ୍ଦୂର

   ପାଦରେ ସରୁ ଅଳତା

ସୂପାତି କଜ୍ଜଳେ ନୟନ ଭ୍ରୃଲତା

   ଥାଏ ସଦା ନୃତ୍ୟ ରତା ।

ସେନେହ ସୋହାଗ ମଳୟ ପବନ

   ଭୁରୁ ଭୁରୁ ବାସ ଗନ୍ଧେ

ମହକି ଉଠଇ ଜୀବନ ସଂସାରେ

   ଘର ପରିବାର ଗଢେ ।

ପାଦେ ରୁଣୁଝୁଣୁ ନିକ୍ୱଣେ ପାଉଁଜି

   ପରିପାଟୀ ଅଳଙ୍କାର

ନିତ୍ୟ ଶୋଭାବନ ଗୃହ ମଧୁବନେ

   ଦିଶେ ତାରକା ସମାନ ।

ପ୍ରିୟା ଓଷ୍ଠ ଧାରେ ସୁମଧୁର ହାସ୍ୟ

   ସୁବାସେ ମଧୁ ବସନ୍ତ

ରଙ୍ଗର ପସରା ପ୍ରକୃତି ସ୍ୱରୂପା

   ସିନ୍ଧୁ ମୋ ପ୍ରିୟା ଅମୃତ ।

ଅମୃତ ସନ୍ତାନ ଆଲୋକର ଶିଖା

   ଜୀବନ ଆନନ୍ଦ ଉତ୍ସ

ନାଭି କମଣ୍ଡଳେ ସାଇତା କସ୍ତୁରୀ

   ସୁସାଧନେ ସୁପ୍ରାପତ ।