Library
Profile
ମଧୁ ସମ୍ପର୍କ
ମଧୁ ସମ୍ପର୍କ
ମାୟାମୟ ଟି ଏ ସଂସାର
ଗୋବିନ୍ଦ ନାମ ଏକା ସାର
ଉଭୟ ସୃଷ୍ଟି ସ୍ରଷ୍ଟା ସେହି
ଜଡ଼ ଚେତନ ରୂପ ଦୁଇ !
ଆତ୍ମା ପରମ ଆତ୍ମା ହୋଇ
ଵିହରେ ଆନନ୍ଦେ ଅଦେହୀ
ଆତ୍ମା ହୋଇଣ ଦେହ ଧରେ
କାୟାରେ ଜୀବ ସେ ବୋଲାଏ !
ପରମ ଆତ୍ମା ସର୍ବ ଘଟେ
ସଜୀଵ ନିର୍ଜୀବ ସେ ଅଟେ
ସଜୀଵ ରୂପେ କ୍ରିୟା ଶିଳ
ନିର୍ଜୀବେ ପଞ୍ଚତତ୍ତ୍ୱ କାଳ !
ବ୍ରହ୍ମାଣ୍ଡ ତାର ଖେଳ ଘର
ଯାହାର ନାହିଁ ଆତ୍ମ ପର
ସୁଖ ଦୁଃଖ ଯେ ହାନିଲାଭ
ସକଳ ପ୍ରତି ସମ ଭାବ !
ଜନ୍ମମୃତ୍ୟୁରେ ନାହିଁ ଭୟ
ତାପାଇଁ କାୟା ବସ୍ତ୍ର ପ୍ରାୟ
ଦେହଟି ଜୀବ ବନ୍ଧୁ ଘର
ଯାହାକୁ କହୁଁ ମୋର ମୋର !
କାୟା ମାଧ୍ୟମ ସାଧନାର
ପ୍ରାପ୍ତ ନିମନ୍ତେ ଗୋବିନ୍ଦର
ନିତ୍ୟ ସଂଯୋଗ ଅନୁଭବ
ସତ୍ୟର ଆତ୍ମୀୟ ସ୍ଵଭାଵ!
ଜୀବ ପରମର ଏ ଭାବ
ଭକତି ନାମେ ହୁଏ ଠାବ
ମାତ୍ର ଦୁର୍ଲ୍ଲଭ ଜନ୍ମ ନର
ନଜାଣେ ଏ ଦିବ୍ୟ ବେଭାର !
ମୋହ ବଶେଣ ହନ୍ତସନ୍ତ
ହୋଇ ନବୁଝେ ସେ ଅନନ୍ତ
ଇନ୍ଦ୍ରିୟ ଭୋଗ ଅର୍ଥେ ବଞ୍ଚେ
ନିତ୍ୟ ଜଡ଼ ପଦାର୍ଥେ ସଞ୍ଚେ !
ଅଜ୍ଞାନ ହୋଇ ଶେଷେ ମରେ
ଶରୀରୁ ଆତ୍ମା ଟି ବାହାରେ
ଅଶାନ୍ତ ଅତୃପ୍ତ ସେ ଆତ୍ମା
ଜ୍ଞାନ ବିହୀନ ଯେ ଜୀବତ୍ମା !
ବ୍ରହ୍ମଜ୍ଞାନକୁ ପୁଷ୍ଟ କରି
ବଞ୍ଚିଲେ ଭବୁ ହେବୁ ପାରି
ବେଳହୁଁ ଗୋବିନ୍ଦ ସୁମର
ପ୍ରାପତ ହୁଅ ତା ପୟର !
ଯା ନାମ ଶାଶ୍ୱତ ପିୟୁଷ
ପାନ କରିଣ ଲଭ ଯଶ
ଜୀବନ ସାର୍ଥକଟି ହେବ
ଗୋବିନ୍ଦେ କଲେକ ଟି ଭାବ !
କର୍ତ୍ତା ଧର୍ତ୍ତା ଟି ସେ ବିଧାତା
ସର୍ବ ଜୀବର ମାତାପିତା
ଈଶ୍ୱର ଜୀବର ସମ୍ପର୍କ
ସଂକ୍ଷିପ୍ତେ ବର୍ଣ୍ଣିଲି ମୁଁ ମୁକ !
ଦୋଷ କ୍ଷମିବ ସାଧୁଜନେ
ଆଶୀଷ ଦେବ ସୁନୟନେ
ଜନମ ଧନ୍ୟ କର ମୋର
ବିନତୀ କରେ ମୁଁ ପାମର !
