Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Sambit Srikumar

Classics Inspirational Others

4.7  

Sambit Srikumar

Classics Inspirational Others

ମୌଳିକତା

ମୌଳିକତା

1 min
364



ଜଗତୀକରଣ ମହାସାଗରରେ ହରେଇ

ବସିଛୁ ଆମର ସ୍ବକୀୟ ମୌଳିକତା

ଅକାଳେ ସକାଳେ ତିଥି ବାର ଦେଖି

ପଡ଼ଇ ଉଛୁଳି ତୁଛାକୁ ଭାବ ପ୍ରବଣତା ।

ଆପଣା ସଂସ୍କୃତି ଐତିହ୍ୟ ପରମ୍ପରା

ଅବହେଳାରେ ହୋଇଛି ପାଶୋର

ଅନ୍ଧବିଶ୍ୱାସ ଲାଗଇ ଆମକୁ ସ୍ବ-ଧର୍ମଧାରା

ବିଧି ପାଳନ ଆମରି ଧର୍ମକୁ ଆଖିଠାର ।

ଔପନିବେଶିକ ଦାସତ୍ୱର ମାନସିକତା

ହୋଇଛି ଆମର ଆଜି ଅସ୍ଥିମଜ୍ଜାଗତ

ସ୍ବାଭିମାନକୁ ବିକିଭାଙ୍ଗି ଆନ ପାଶେ

ହାତ ପାତିବାକୁ ନୋହୁଁ ତ ଆଦୌ କୁଣ୍ଠିତ ।

ଗୌରବମୟ ଜାତି ଇତିହାସ ଆମର

ହୋଇଛି ମନରୁ କେବେଠୁଁ ବିସ୍ମୃତ

ଓଡ଼ିଆର ପରିଚୟ ନେଇ ଜୀଇଁବାକୁ

କେଜାଣି କାହିଁକି ଆମେ ତ ଶଙ୍କିତ ?

ନିଜର ମାତୃଭାଷାକୁ ଜାଣତ ଅବା

ଅଜାଣତରେ କରୁଛୁ କ୍ଷତାକ୍ତ ବିକୃତ

ବୋଲାଇବାକୁ ପର ଆଗେ ସଭ୍ୟ ଶିକ୍ଷିତ

ବଳି ଦେଇଛୁ ଆପଣା ବୁଦ୍ଧି ବିବେକ ।

ଆନର ଅନ୍ଧାନୁକରଣେ ହେଉଛୁ

ଜଗତେ ସଦା ନିନ୍ଦିତ ଉପହସିତ

ତଥାପି ମୌଳିକତାର ସୁରକ୍ଷା ପାଇଁ

ଆମେ ନୋହୁଁ ତିଳେ ବି ଚିନ୍ତତ ।

ଭାଗ୍ୟର ବିଡ଼ମ୍ବନା ଅବା ଜାତିର

ଘୋର ଦୁର୍ଗତିର ଘଡ଼ିସନ୍ଧି ମୁହୂର୍ତ୍ତ

ହନୁକରଣ ବ୍ଯାଧିରେ ହୋଇଣ ପୀଡିତ

କାଦୁଅ ଫିଙ୍ଗାରେ ସଭିଏଁ ମଦମତ୍ତ ।।



Rate this content
Log in