ମାଟି ଘର

ଦେଖରେ ଦେଖ ମାଟିର ଘର,

ମାଟିରେ କାନ୍ଥ ଚାଳ ଛପର ।

ଛପର ଅଛି ନାନା ପ୍ରକାର

ଟାଇଲ ଟିଣ ଅବା ଖପର ।

ଆହୁରି ଅଛି ପାଳ ଛପର ,

ଦେଖରେ ଦେଖ ମାଟିର ଘର ।

ନାନା ରଙ୍ଗର ମାଟିରେ ଲିପା,

କାନ୍ଥରୁ କେବେ ଉଠେନି ଚୋପା ।

କାନ୍ଥରେ ଦେଖ ପଡ଼ିଛି ଝୋଟି,

ଝୋଟି ଚାରି ପାଖେ ଲାଲ ପଟ୍ଟି ।

କାନ୍ଥ ଟି ଦିଶେ କେଡ଼େ ସୁନ୍ଦର,

ଦେଖରେ ଦେଖ ମାଟିର ଘର ।

ମଉସମକୁ ସାଥିରେ ନେଇ

ଘର ଉତ୍ତାପ ବଦଳୁ ଥାଇ ।

ଶୀତ ଦିନରେ ଲାଗେ ଉଷୁମ

ଖରା ଦିନରେ ଅଳ୍ପ ଗରମ ।

ସରବ ସୁଖ ମିଳେ ତାହାର

ଯାହାର ଅଛି ମାଟି ର ଘର ।