ମାତୃଭୂମି ଓ ମାତୃଭାଷା ଉଭୟେ ମହାନ୍
ମାତୃଭୂମି ଓ ମାତୃଭାଷା ଉଭୟେ ମହାନ୍
ମାତୃଭୂମି ମାତୃଭାଷା ରେ ମମତା
ଯା ହୃଦେ ଜନମି ନାହିଁ
ତାକୁ ଯଦି ଜ୍ଞାନୀ ଗଣରେ ଗଣିବା
ଅଜ୍ଞାନ ରହିବେ କାହିଁ ।
ଅର୍ଘ୍ୟଥାଳୀ - ସ୍ଵଭାବ କବି ଗଙ୍ଗାଧର ମେହେର#୪
ଅତି ମନୋହର ସରସ ସୁନ୍ଦର
ସ୍ବର୍ଗ ସମ ମାତୃଭୂମି
ଯା ପାଣି ପବନେ ଗଢା ଏ ଶରୀର
ପବିତ୍ର ସେ ତୀର୍ଥ ଭୂମି ।
ଝରଣା ବନାନୀ ନଦ ନଦୀ ତାର
ଗାଆନ୍ତି ମଧୁର ଗୀତି
ସୁନୀଳ ଆକାଶ ନୀଳ ପାରାବାର
ବନ୍ଦନା କରନ୍ତି ନିତି।
ମାଆ ସମ ଆମ ମାତୃଭାଷା ଅଟେ
ସ୍ନେହ ମମତାର ଝର
ବୁଝିବା କହିବା ସହଜ ଲାଗଇ
ବାନ୍ଧେ ସମ୍ପର୍କ ର ଡୋର ।
ମାତୃଭାଷା କୁ ଯେ ହେୟ ମନେ କରେ
ମଣିଷ ରେ ଗଣା ନୁହେଁ
ଅନ୍ୟ ଯେତେ ଭାଷା ଜାଣିଲେ କି ଲାଭ
ମହା ମୁର୍ଖ ଅଟେ ସିଏ ।
ଆମ ମାତୃଭୂମି ଆମ ମାତୃଭାଷା
ବିଶ୍ୱେ ଅଟେ ମହୀୟ।ନ
ଆସୁ ଯେତେ ଝଡ ଝଞା ଏ ଜୀବନେ
ରଖିବା ତାହାର ମାନ।
ଆମ ମାତୃଭୂମି ଓ ମାତୃଭାଷା ର
ଜଗତେ ତୁଳନା ନାହିଁ
ଉନ୍ନତି ସୁରକ୍ଷା ପ୍ରଚାର ପ୍ରସାର
କରିବାକୁ ଭୂଲ ନାହିଁ।