ମାନବ କଲ୍ୟାଣ
ମାନବ କଲ୍ୟାଣ
ମାନବ କଲ୍ୟାଣ ଅଟେ ଶ୍ରେଷ୍ଠ ଧର୍ମ
ଅହି°ସା ମହାନ ନୀତି
ପାଳନୀୟ ଆମ ବେଦଶାସ୍ତ୍ର ସତ୍ୟ
ମହତଜନଙ୍କ ଉକ୍ତି ।
ମାନବ ଜୀବନ ଅତ୍ୟନ୍ତ ଦୁର୍ଲଭ
ନୁହେଁ ଉଦ୍ଦେଶ୍ୟ ବିହୀନ
ମିଳେ ସାର୍ଥକତା ସଦାଚାର ତ୍ୟାଗେ
ନର ହୁଏ ନାରାୟଣ ।
ସ୍ୱସୁଖ ସାଧନ ନୁହଁଇ କେବଳ
ବିଚାରବୋଧ ଉତ୍ତମ
ମୋଚନ କରିଲେ ଅନ୍ୟ ଦୁଃଖକଷ୍ଟ
ଜୀବନ ହିଁ ପରିପୂର୍ଣ୍ଣ ।
ଚରିତ୍ର ହେଉଛି ଅତି ଆବଶ୍ୟକ
ଶାଶ୍ୱତ ମାନବ ପୁଞ୍ଜି
ଶରୀର ନଶ୍ୱର କିନ୍ତୁ ଗୁଣାଦର୍ଶ
ଅରଜେ ଅମର କୀର୍ତ୍ତି ।
ମାନବତା ପ୍ରତି ସଦା ସମର୍ପିତ
ନୈତିକ ଗୁଣ ସୁରକ୍ଷା
ଦିଏ ଉପଲବ୍ଧି ସୁଖ ଓ ସମୃଦ୍ଧି
ସୁବିଶ୍ୱାସ ସୁପାତ୍ରତା ।
ସାରା ବସୁଧାକୁ କୁଟୁମ୍ବ ମଣିବା
ଲୋକ ମଙ୍ଗଳ କାମନା
ଅମୃତ ଆନନ୍ଦ ସତ୍ୟ ଶାନ୍ତି ପ୍ରେମ
କରୁଣା ସଦଭାବନା ।
ମାନବ କଲ୍ୟାଣ ଜୀବନ ଉତ୍କର୍ଷ
ମାନବତା ଉପାସନା
ହେଉ ସଚେତନ କୋଣ ଅନୁକୋଣ
ଜାଗୁ ଅମୃତ ଭାବନା ।