ମାଆ

ବlବୁ ଆରେ କହ ମୋ ସୁନା ଧନ

ଯେତେ ପାଠ ପଢ଼ିଲୁ ଦେଇ ମନ ।

କୋଉ ବହି ପୃଷ୍ଠାରେ ଅଛି ଲେଖା 

ମାଆ କୁ ଏକେଲା ଛାଡିବା ଶିକ୍ଷା l

ମୁଁ'ତ ମୁରୁଖ ପାଠ ପଢିନି

ସେଥିପାଇଁ ତତେ ବୁଝି ପାରୁନି ।

ତତେ ପଢ଼େଇଛି ପାଠ ବହୁତ

ପଢିପାରୁନୁ ମୋ ମନ ବହିତ l

କାହିଁକି ବୁଝୁନୁ ଧନରେ ସତେ

ମୋ ଜୀବନେ ଭଲ ପାଇଛି ତତେ l

ଜନମ କୁ କିଏ ଭଲ ପାଇବ

ନିଜ ପେଟରୁ ଯେ ବାହାରି ଥିବ l

ନାଡ଼ ଖଣ୍ଡେ ପରା ମାଆ ପେଟର

କେମିତି ସେ ନାଡ ହେଉଛି ଦୂର l

କେତେ କଥା ମୋର ମନେ ପଡଇ

ତୋର କି ସତରେ ମନରେ ନାହିଁ l

ଝୁରୁଛି ଏ ଛାତି ସେ ପିଲା ଦିନ

କେମିତି ଭୁଲିଲୁ ଧନ୍ୟ ତୋ ମନ l

ଆଧୁନିକ କଣ ଏଇଆ କହେ

ମାଆ'ଟା ରହିବ କାନ୍ଦିକି ଲୁହେ l

ଜନମ କରିବା ଭୁଉଲୁ ଥିଲା

ମୋ ଗରଭ ତତେ ଜନମ କଲା l

ଆ ରେ ମୋ ସୁନା ରଙ୍କରତନ

ଏଇଠି ଝୁରୁଛି ମୁଁ ରାତି ଦିନ l

ଆଉ କିରେ ତତେ ସତେ ଦେଖିବି

ମାଆ ର ମମତା ତତେ ମୁଁ ଦେବି l

ଯେଉଁଠି ଅଛୁରେ ଭଲରେ ଥାଆ

ଏଇଠି ଝୁରୁଛି ତୋ ସେଇ ମାଆ l