ମାଆ ବିରଜା

ଚଣ୍ଡୀ ଚାମୁଣ୍ଡା ଚୌଷଠି ଯୋଗିନୀ 

ମାହେଶ୍ୱରୀ ମାଆ ଉମା

ଶିବାର୍ଥ ସାଧିକା ଯଜ୍ଞ ସମ୍ଭୁତା

ଦୁର୍ଗେଶ୍ୱରୀ ମା ବିରଜା ।

ଉଦ୍ଧରେ ମା ନର୍କୁ ତାରେ ବୈତରଣୀ

ତପ୍ତ ମୃତ୍ୟୁ ଲୋକ ଶଯ୍ୟା

ଜୀବନ ଦାୟିନୀ ମାତା ହିଁ ସଂସ୍କାର

ମାତା ଧର୍ମ ମାତା ପୂଜ୍ୟା

ଜୟ ମାତୃଶକ୍ତି ପରମ ଆରାଧ୍ୟା

ଜୟ ଜୟ ମା ବିରଜା ।

ଚଣ୍ଡୀ ଚାମୁଣ୍ଡା-----

ମାଆ ସୃଷ୍ଟି ମୂଳ ଜୀବନ ଆଧାର

ଅମୃତ ମାଆ ମମତା

ମାଆ ପାଦପଦ୍ମ ମୁକ୍ତି ମହାତୀର୍ଥ

ଅତୁଲ୍ୟା ମାଆ ଅନନ୍ୟା

ମାତା ଗରୀୟସୀ ସୁଖଦା ବରଦା

ଉଡ଼େ ତାର ସିଂହ ଧ୍ଵଜା ।

ଚଣ୍ଡୀ ଚାମୁଣ୍ଡା----

ପ୍ରଖରୁ ମା ତେଜ ଗରଜୁ ମା ସିଂହ

ଦିବ୍ୟ ଅସ୍ତ୍ର ଶୂଳ ଶକ୍ତି

ବିନାଶୁ ଦୁର୍ଗତି ଦୁର୍ମତି ଅଗତି

ଆସୁରୀ ଅଧର୍ମ ସନ୍ଧି

ସୁଗୁଣ ସମ୍ପନ୍ନେ ତୋ ବୀର ସନ୍ତାନ

ହେଉ ଜ୍ଞାନୀ ବଳବୀର୍ଯ୍ୟା ।

ଚଣ୍ଡୀ ଚାମୁଣ୍ଡା ------